پاکستان، چین وزرائے خارجہ سٹریٹجک ڈائیلاگ، سی پیک سمیت اہم امور پر تبادلۂ خیال

وزیر خارجہ اسحاق ڈار کا بیجنگ کا دورہ

بیجنگ (مانیٹرنگ ڈیسک) چینی وزیر خارجہ وانگ ای کی دعوت پر وزیر خارجہ اسحاق ڈار نے بیجنگ کا دورہ کیا۔ اس موقع پر پاکستان اور چین وزرائے خارجہ سٹریٹجک ڈائیلاگ کے ساتویں دور کی مشترکہ صدارت کی گئی۔

یہ بھی پڑھیں: ایرانی حملوں میں 3افراد زخمی، ڈرون حملے میں صاف پانی کے پلانٹ کو نقصان پہنچا: بحرین کا الزام

سٹریٹجک ڈائیلاگ کی تفصیلات

تفصیلات کے مطابق سٹریٹجک ڈائیلاگ کے دوران دو طرفہ تعلقات کے مکمل دائرہ کار کا تفصیلی جائزہ لیا گیا۔ ملاقات میں خطے اور عالمی سطح پر درپیش اہم سیاسی و سلامتی امور پر تبادلۂ خیال کیا گیا۔ سی پیک کے جاری اور آئندہ منصوبوں، پیشرفت اور باہمی تعاون پر بھی گفتگو کی گئی۔ دو طرفہ تجارت کے فروغ، سرمایہ کاری، صنعتی تعاون اور معاشی روابط بڑھانے کے امکانات پر بھی تبادلۂ خیال کیا گیا۔

یہ بھی پڑھیں: امریکہ اور چین کے درمیان ٹیرف وار، عالمی منڈی میں تیل کی قیمتوں میں بڑا اضافہ

کثیرالجہتی فورمز پر تعاون

کثیرالجہتی فورمز پر پاکستان اور چین کے درمیان قریبی تعاون اور ہم آہنگی بڑھانے پر اتفاق کیا گیا۔ عوامی روابط، تعلیمی تبادلوں اور ثقافتی تعاون کو مزید وسعت دینے کی ضرورت پر بھی زور دیا گیا۔

75 سالہ سفارتی تعلقات کی تقریبات

پاک، چین سفارتی تعلقات کے 75 سال مکمل ہونے پر سال بھر تقریبات اور سرگرمیاں منانے پر اتفاق کیا گیا۔