26 نومبر احتجاج، انسداد دہشت گردی عدالت راولپنڈی نے علیمہ خان کی درخواست پر فیصلہ محفوظ کر لیا

26 نومبر احتجاج کی تفصیلات

راولپنڈی (ڈیلی پاکستان آن لائن) انسداد دہشت گردی عدالت راولپنڈی نے 26 نومبر احتجاج کے کیس میں بانی پی ٹی آئی کی بہن علیمہ خان کی بریت کی درخواست پر فیصلہ محفوظ کر لیا۔

یہ بھی پڑھیں: زمبابوے سے ٹیسٹ میں نیوزی لینڈ کی اننگز اور 359 رنز سے ریکارڈ فتح

سماعت کا آغاز

علیمہ خان کے خلاف 26 نومبر احتجاج پر درج مقدمے کی سماعت ہوئی۔ دوران سماعت علیمہ خان کی جانب سے دائر بریت کی درخواست پر فریقین کے وکلاء کی بحث مکمل ہو گئی۔

یہ بھی پڑھیں: چیئرمین سینیٹ اور سپیکر قومی اسمبلی نے اپنی اپنی تنخواہوں میں اضافے کا فیصلہ خود کیا،نجی ٹی وی کا دعویٰ

علیمہ خان کے وکیل کا موقف

’’جنگ‘‘ کے مطابق علیمہ خان کے وکیل فیصل ملک نے کہا کہ 26 نومبر احتجاج میں علیمہ خان کا قصور یہ ہے کہ بھائی سے جیل میں ملاقات کی، انہوں نے بانی پی ٹی آئی کا پیغام پارٹی اور عوام تک پہنچایا۔ بانی پی ٹی آئی نے پُرامن احتجاج کا پیغام دیا تھا، جو کہ جمہوری و آئینی تحفظ رکھتا ہے۔

مقدمے میں بتایا گیا کہ علیمہ خان نے میڈیا کے ذریعے احتجاج کا پیغام دیا، اور اس مقدمے میں کسی صحافی یا میڈیا چینل کو گواہ یا نامزد نہیں کیا گیا۔

یہ بھی پڑھیں: اسلام آباد میں تمام کھلے مین ہولز پر ڈھکن لگا دیے گئے

عدالت کے سوالات

عدالت نے وکیل سے کہا کہ آپ کا مطلب ہے کہ میڈیا کو بھی اس مقدمے میں پھنسایا جائے؟ جس پر علیمہ خان کے وکیل نے کہا کہ میرے کہنے کا مطلب ہے کہ علیمہ خان اور صحافیوں نے یکساں پیغام رپورٹ کیا، لیکن جیل ملاقات میں ہونے والی گفتگو کا کوئی گواہ موجود نہیں۔

عدالت نے وکیل فیصل ملک سے پوچھا کہ آپ کا کہنا ہے کہ علیمہ خان نے صرف احتجاج کا پیغام دیا؟ وکیل نے جواب دیا کہ جی ہاں، علیمہ خان نے پُرامن احتجاج کا پیغام دیا۔ مقدمے میں شامل دفعات ملزمہ پر لگے الزامات کو ثابت نہیں کرتیں، اور سیاسی انتقامی کارروائی کے سوا کچھ نہیں ہے۔

یہ بھی پڑھیں: کراچی: شرافی گوٹھ میں ڈرم سے خاتون کی مسخ شدہ لاش برآمد

پراسیکیوشن کا موقف

پراسیکیوٹر ظہیر شاہ نے کہا کہ ملزمہ پر اینٹی ٹیررازم ایکٹ کی 5 شقوں کے تحت فرد جرم عائد کی گئی، جو تفتیشی رپورٹ کی بنیاد پر لگائی گئی۔ انہوں نے مزید کہا کہ سیاسی احتجاج کے دوران سارا کنٹرول منتظمین کے پاس ہوتا ہے۔

ظہیر شاہ نے سوال کیا کہ یہ کیسا پُرامن احتجاج تھا جس میں ایک پولیس اہلکار شہید اور 170 زخمی ہوئے؟ احتجاج کے وقت ملزمان خود تسلیم کر رہے تھے کہ انہوں نے ملک بند کر دیا، اور مقدمے میں 18 گواہان ریکارڈ ہو چکے ہیں۔ اس لیے عدالت سے استدعا ہے کہ ملزمہ کی درخواست بریت خارج کی جائے۔