وینزویلا کی نائب صدر ڈیلسی روڈریگز نے باضابطہ طور پر ملک کی عبوری صدر کے عہدے کا حلف اٹھالیا

وینزویلا میں نئی صدر کی حلف برداری

کاراکاس (ڈیلی پاکستان آن لائن) وینزویلا کی نائب صدر اور تیل کی وزیر ڈیلسی روڈریگز کو پیر کے روز باضابطہ طور پر ملک کی عبوری صدر کے عہدے کا حلف دلا دیا گیا۔

یہ بھی پڑھیں: سی سی ڈی کے ایک دن میں 4مبینہ مقابلے، 6ملزمان ہلاک

مادورو کی قانونی مشکلات

یہ پیش رفت ایسے وقت میں ہوئی جب امریکہ کی جانب سے معزول کیے گئے صدر نکولس مادورو نیویارک کی ایک عدالت میں منشیات کے الزامات کا سامنا کر رہے ہیں۔ امریکی صدر ڈونلڈ ٹرمپ کی انتظامیہ نے ایک غیر معمولی اور ڈرامائی فوجی کارروائی کے ذریعے ہفتے کے اختتام پر مادورو کو اقتدار سے ہٹا دیا تھا۔

یہ بھی پڑھیں: ٹک ٹاک پر جعلی آئی ڈی بنا کر لڑکی کو ہراساں کرنے والا ملزم گرفتار

ڈیلسی روڈریgez کی شناخت

خبر ایجنسی روئٹرز کے مطابق 56 سالہ ڈیلسی روڈریگز، جو پیشے کے اعتبار سے لیبر وکیل ہیں اور نجی شعبے سے قریبی روابط کے ساتھ ساتھ حکمران جماعت سے غیر معمولی وفاداری کے لیے جانی جاتی ہیں، نے اپنے عہدے کا حلف اپنے بھائی خورخے روڈریگز سے لیا، جو اس وقت وینزویلا کی قومی اسمبلی کے سربراہ ہیں۔

یہ بھی پڑھیں: برطانیہ کے شراب خانوں میں 50 سال پہلے ہونے والے دھماکوں کا حل نہ ہونے والا معمہ

پارلیمان کے نئے اراکین کی حلف برداری

اسی روز مئی میں منتخب ہونے والے 283 اراکینِ پارلیمان نے بھی حلف اٹھایا۔ ان میں سے صرف چند ہی اراکین اپوزیشن سے تعلق رکھتے ہیں، کیونکہ اپوزیشن کی بڑی اکثریت، خصوصاً نوبیل انعام یافتہ ماریا کورینا ماچادو کی قیادت میں کام کرنے والے دھڑے نے انتخابات کا بائیکاٹ کیا تھا۔