جنوری کے آخر تک جدہ قونصلیٹ نئی عمارت میں شفٹ ہو جائے گا، سید مصطفٰی ربانی

نئے قونصل جنرل کی تعیناتی

جدہ (محمد اکرم اسد) قونصلیٹ جنرل جدہ میں نئے تعینات ہونے والے قونصل جنرل سید مصطفٰی ربانی نے کہا ہے کہ پاکستان قونصلیٹ جنرل کی نئی تعمیر ہونے والی پُر شُکوہ عمارت پاکستان کے شایان شان ہے۔ جنوری کے آخر تک قونصلیٹ وہاں شفٹ ہو جائے گا جس کا کمیونٹی کو عرصہ دراز سے انتظار تھا۔

یہ بھی پڑھیں: وفاقی وزیر رانا تنویر اور اسد قیصر کے درمیان قومی اسمبلی میں شدید جھڑپ

نئی سہولیات کی دستیابی

انہوں نے کہا کہ نئی عمارت میں جدید تقاضوں کے مطابق تمام سہولیات میسّر ہوں گی۔ میری کوشش ہو گی کہ اپنے قیام کے دوران پاکستان میں سرمایہ کاروں کو راغب کر سکوں، جہاں ان کے لیے بے شمار فوائد والے پراجیکٹس موجود ہیں۔

یہ بھی پڑھیں: گاڑی اب چپ چاپ گزر جاتی تھی، سیٹی بھی بجاتی ہو گی لیکن گاؤں کی حد تک سنائی نہیں دیتی، چند مسافروں کا کچھ لین دین ہوتا پھر وہی کھیل شروع ہو جاتا

پاکستانی افرادی قوت کے مسائل

قونصل جنرل نے کہا کہ ہمیں پاکستانی افرادی قوت کو زیادہ سے زیادہ لانے کے لئے کام کرنا ہے۔ انہوں نے یہاں موجود اوورسیز پاکستانیوں کے مسائل جاننے اور انہیں حل کرنے کا عزم کیا۔

یہ بھی پڑھیں: تحریک انصاف کی اہم شخصیت مستعفی

قوانین کی آگاہی

انہوں نے مزید کہا کہ میں کوشش کروں گا کہ پاکستانیوں کو سعودی عرب کے قوانین سے ہر ممکن آگاہی دی جائے تاکہ وہ اپنی حقوق سے باخبر ہو سکیں۔

یہ بھی پڑھیں: 21 ہزار 647 پاکستانی شہری دنیا بھر کی مختلف جیلوں میں قید ہیں،قومی اسمبلی میں تفصیلات پیش کر دی گئیں۔

پاکستان جرنلسٹس فورم کے ساتھ ملاقات

یہ خیالات انہوں نے قونصلیٹ میں پاکستانی میڈیا سے تعلق رکھنے والے قدیم فورم “پاکستان جرنلسٹس فورم (پی جے ایف)” کے صحافیوں سے تعارفی ملاقات میں بات چیت کرتے ہوئے پیش کیے۔

یہ بھی پڑھیں: دوران آپریشن خاتون کے پیٹ میں رہ جانے والی قینچی 12سال بعد نکال لی گئی

نئی عمارت کی اہمیت

قونصلیٹ کی نئی عمارت میں منتقلی کی وجہ سے دو چھٹیوں سمیت پانچ روز تک پاسپورٹ اور نادرا کی خدمات بند رہیں گی، جبکہ صرف سفری دستاویزات اور اموات کے سرٹیفیکٹس کی خدمات حسب معمول فراہم ہوں گی۔

یہ بھی پڑھیں: برطانوی ہائی کمشنر جین میریٹ نے پاکستان میں نئی ای ویزا سہولت کا اعلان کردیا

کمیونٹی کے مسائل کا حل

جرنلسٹس فورم کے اراکین نے پاکستانی مصنوعات کے سعودی مارکیٹ میں فروغ کے لئے قونصلیٹ کو مزید کوششوں کی ضرورت پر زور دیا۔ قونصل جنرل نے یقین دلایا کہ اب کوشش ہوگی کہ پاکستانی آم اور کینو کی نمائش پاکستان میں ان کے سیزن سے پہلے منعقد کی جائے۔

یہ بھی پڑھیں: پاک ترک اعلیٰ عسکری قیادت کی ملاقات، ترک وزارت دفاع نے پاکستان کو ’برادر ملک‘ قرار دیا

اجتماعی مسائل پر بات چیت

دوگھنٹے سے زائد جاری رہنے والی ملاقات میں کمیونٹی کے مسائل، قونصلیٹ کی کارکردگی اور مستقبل کے پروگراموں پر تفصیلی بات چیت کی گئی۔ قونصل جنرل نے کہا کہ قونصلیٹ کی نئی عمارت میں صحافیوں سے ملاقات کے لئے ایک الگ جگہ رکھی گئی ہے۔

شکریہ و تعاون

جرنلسٹس فورم کے اراکین نے قونصل جنرل سید مصفی ربانی کا شکریہ ادا کیا اور امید ظاہر کی کہ آئندہ بھی اس طرح کی مثبت ملاقاتیں جاری رہیں گی۔