جنوری کے آخر تک جدہ قونصلیٹ نئی عمارت میں شفٹ ہو جائے گا، سید مصطفٰی ربانی

نئے قونصل جنرل کی تعیناتی

جدہ (محمد اکرم اسد) قونصلیٹ جنرل جدہ میں نئے تعینات ہونے والے قونصل جنرل سید مصطفٰی ربانی نے کہا ہے کہ پاکستان قونصلیٹ جنرل کی نئی تعمیر ہونے والی پُر شُکوہ عمارت پاکستان کے شایان شان ہے۔ جنوری کے آخر تک قونصلیٹ وہاں شفٹ ہو جائے گا جس کا کمیونٹی کو عرصہ دراز سے انتظار تھا۔

یہ بھی پڑھیں: ڈیرہ اسماعیل خان: سی ٹی ڈی کی کامیاب انٹلیجنس بیسڈ کارروائی، 3 دہشتگرد ہلاک

نئی سہولیات کی دستیابی

انہوں نے کہا کہ نئی عمارت میں جدید تقاضوں کے مطابق تمام سہولیات میسّر ہوں گی۔ میری کوشش ہو گی کہ اپنے قیام کے دوران پاکستان میں سرمایہ کاروں کو راغب کر سکوں، جہاں ان کے لیے بے شمار فوائد والے پراجیکٹس موجود ہیں۔

یہ بھی پڑھیں: ایشین کرکٹ کونسل نے ایمرجنگ ویمنز ایشیا کپ ملتوی کردیا

پاکستانی افرادی قوت کے مسائل

قونصل جنرل نے کہا کہ ہمیں پاکستانی افرادی قوت کو زیادہ سے زیادہ لانے کے لئے کام کرنا ہے۔ انہوں نے یہاں موجود اوورسیز پاکستانیوں کے مسائل جاننے اور انہیں حل کرنے کا عزم کیا۔

یہ بھی پڑھیں: لاہور، پشاور اور کوئٹہ کے بعد کراچی کنگز نے بھی پی ایس ایل فرنچائز معاہدے کی تجدید کردی

قوانین کی آگاہی

انہوں نے مزید کہا کہ میں کوشش کروں گا کہ پاکستانیوں کو سعودی عرب کے قوانین سے ہر ممکن آگاہی دی جائے تاکہ وہ اپنی حقوق سے باخبر ہو سکیں۔

یہ بھی پڑھیں: گرفتار پارٹی رہنماؤں سے متعلق پتہ ہی نہیں لگ رہا ، فیصل چوہدری

پاکستان جرنلسٹس فورم کے ساتھ ملاقات

یہ خیالات انہوں نے قونصلیٹ میں پاکستانی میڈیا سے تعلق رکھنے والے قدیم فورم “پاکستان جرنلسٹس فورم (پی جے ایف)” کے صحافیوں سے تعارفی ملاقات میں بات چیت کرتے ہوئے پیش کیے۔

یہ بھی پڑھیں: بانی پی ٹی آئی کی بیماری کو نظر انداز کیا جا رہا ہے، ہم مطالبات کی منظوری تک دھرنا جاری رکھیں گے: محمود خان اچکزئی

نئی عمارت کی اہمیت

قونصلیٹ کی نئی عمارت میں منتقلی کی وجہ سے دو چھٹیوں سمیت پانچ روز تک پاسپورٹ اور نادرا کی خدمات بند رہیں گی، جبکہ صرف سفری دستاویزات اور اموات کے سرٹیفیکٹس کی خدمات حسب معمول فراہم ہوں گی۔

یہ بھی پڑھیں: اصلی ایس پی نے بھکر میں نقلی ایس پی کو گرفتار کرا دیا، پولیس یونیفارم اور وائرلیس سیٹ بھی برآمد

کمیونٹی کے مسائل کا حل

جرنلسٹس فورم کے اراکین نے پاکستانی مصنوعات کے سعودی مارکیٹ میں فروغ کے لئے قونصلیٹ کو مزید کوششوں کی ضرورت پر زور دیا۔ قونصل جنرل نے یقین دلایا کہ اب کوشش ہوگی کہ پاکستانی آم اور کینو کی نمائش پاکستان میں ان کے سیزن سے پہلے منعقد کی جائے۔

یہ بھی پڑھیں: لاہور میں میٹرو بس حادثے کا شکار

اجتماعی مسائل پر بات چیت

دوگھنٹے سے زائد جاری رہنے والی ملاقات میں کمیونٹی کے مسائل، قونصلیٹ کی کارکردگی اور مستقبل کے پروگراموں پر تفصیلی بات چیت کی گئی۔ قونصل جنرل نے کہا کہ قونصلیٹ کی نئی عمارت میں صحافیوں سے ملاقات کے لئے ایک الگ جگہ رکھی گئی ہے۔

شکریہ و تعاون

جرنلسٹس فورم کے اراکین نے قونصل جنرل سید مصفی ربانی کا شکریہ ادا کیا اور امید ظاہر کی کہ آئندہ بھی اس طرح کی مثبت ملاقاتیں جاری رہیں گی۔