پاکستانی شہری سے پسند کی شادی کرنے والی بھارتی خاتون کو آج بھی کیوں روانہ نہ کیا جا سکا۔۔؟ وجہ جانیے

لاہور (ڈیلی پاکستان آن لائن) پاکستانی شہری سے پسند کی شادی کرنے والی بھارتی خاتون آج بھی روانہ نہ کی جا سکی۔

یہ بھی پڑھیں: پی ٹی آئی کو احتجاجی تحریک سے کچھ حاصل نہیں ہوگا، رانا ثنا اللہ

سفر کی تفصیلات

تفصیلات کے مطابق پاکستانی شہری سے پسند کی شادی کرنے والی بھارتی خاتون سربجیت کور کو واہگہ بارڈر پر پریڈ کے بعد واپس بھارت روانہ کیا جانا تھا، تاہم سفری کاغذات میں کچھ تکنیکی مسائل کے باعث اس کی واپسی ممکن نہ ہو سکی۔ امکان ہے کہ سربجیت کور کو اب 6 جنوری کو واہگہ بارڈر کے راستے بھارت روانہ کیا جائے گا۔

حکم کی عدم موجودگی

’’جنگ‘‘ نے ذرائع کے حوالے سے بتایا کہ بھارتی خاتون سربجیت کور کو دارالامان پہنچا دیا گیا، اسے بھارتی حکام کے حوالے کرنے سے متعلق تاحال کوئی حتمی فیصلہ نہیں ہو سکا۔ 48 سالہ سربجیت سنگھ کور 4 نومبر کو بھارت سے سکھ یاتریوں کے ہمراہ پاکستان آئی تھی، جس نے مبینہ طور پر اسلام قبول کر کے شیخوپورہ کے رہائشی ناصر حسین سے پسند کی شادی کر لی تھی۔