سیلاب متاثرین کی بحالی کو ترجیح دی، سندھ حکومت درست سمت میں آگے بڑھ رہی ہے: شرجیل میمن

سیلاب متاثرین کی بحالی کی ترجیح

کراچی (ڈیلی پاکستان آن لائن) سندھ کے سینئر وزیر شرجیل انعام میمن نے کہا ہے کہ سیلاب متاثرین کی بحالی کو ترجیح دی گئی ہے۔ عالمی بینک کی جانب سے سندھ فلڈ ایمرجنسی ریہیبلی ٹیشن منصوبے کی کارکردگی کو تسلی بخش قرار دینا سندھ حکومت کی مؤثر منصوبہ بندی کی عکاسی کرتا ہے۔

یہ بھی پڑھیں: سیکیورٹی فورسز کا آپریشن، فتنہ الخوارج کے 47 دہشتگرد جہنم واصل، دہشتگردوں کا تعلق کس ملک سے تھا، لاشیں کیسے اور کب اٹھائی گئیں؟ اہم تفصیلات سامنے آ گئیں

منصوبے کے فوائد

شرجیل میمن نے اپنے بیان میں کہا کہ اس منصوبے کے تحت صوبے بھر میں اہم انفراسٹرکچر کی بحالی کے ذریعے 7.2 ملین سے زائد افراد مستفید ہوئے ہیں، جن میں 3.4 ملین خواتین بھی شامل ہیں۔

یہ بھی پڑھیں: شکیب الحسن نے حسینہ واجد کے ملک سے جانے کے بعد عوام سے معافی مانگ لی

حکومت سندھ کی کوششیں

’’دنیا نیوز‘‘ کے مطابق، انہوں نے کہا کہ سندھ حکومت نے سیلاب متاثرین کی بحالی کو اولین ترجیح دی ہے۔ محدود وسائل کے باوجود شفافیت، رفتار، اور مؤثر عملدرآمد کو یقینی بنایا گیا۔ عالمی بینک کی جانب سے پیش رفت کو تسلی بخش قرار دینا اس بات کی تصدیق ہے کہ حکومت سندھ درست سمت میں آگے بڑھ رہی ہے۔

معاشی اور سماجی استحکام

حکومت سندھ کا منصوبہ متاثرہ علاقوں میں بنیادی سہولیات کی بحالی کا باعث بنا ہے، جو کہ معاشی اور سماجی استحکام میں بھی اہم کردار ادا کر رہا ہے۔