محکمہ موسمیات نے ملک بھر میں شدید سردی سے متعلق گردش کرنے والی خبروں کی تردید کر دی

محکمہ موسمیات کی وضاحت

لاہور(ڈیلی پاکستان آن لائن) محکمہ موسمیات کے ترجمان نے ملک بھر میں شدید سردی سے متعلق گردش کرنے والی خبروں کی تردید کی ہے۔ انہوں نے کہا کہ سوشل میڈیا، الیکٹرانک اور پرنٹ میڈیا میں جو خبریں زیر گردش ہیں، وہ درست نہیں ہیں۔

یہ بھی پڑھیں: بلوچستان لانگ مارچ: اسلام آباد جانے سے روکنے کیلیے غیر جمہوری ہتھکنڈوں سے باز رہا جائے: حافظ نعیم الرحمان

تازہ موسمیاتی رپورٹ

ترجمان کے مطابق محکمہ موسمیات کی تازہ موسمیاتی رپورٹ ان دعوؤں کی واضح تردید کرتی ہے۔ انہوں نے کہا کہ سردی کے موسم میں محکمہ موسمیات کی جانب سے کی جانے والی پیش گوئیاں حقیقت کے قریب ثابت ہو رہی ہیں اور صورتحال معمول کے مطابق ہے۔

یہ بھی پڑھیں: امریکا نے فیٹینیل کی سمگلنگ میں ملوث بھارتی کاروباری شخصیات کے ویزے منسوخ کردیے

عوام کی اپیل

ترجمان نے عوام اور ذرائع ابلاغ سے اپیل کی ہے کہ موسمی صورتحال کے حوالے سے صرف محکمہ موسمیات کی مستند رپورٹس اور خبروں پر ہی اعتماد کریں۔

بارشوں اور درجہ حرارت کی صورتحال

محکمہ موسمیات کے مطابق گزشتہ ماہ ملک میں معمول سے کم بارشیں اور درجہ حرارت میں اضافہ ریکارڈ کیا گیا۔ پاکستان میں مجموعی طور پر معمول سے 34 فیصد کم بارش ریکارڈ کی گئی، پنجاب میں 73، سندھ میں 71، خیبرپختونخوا میں 39 فیصد کم بارشیں ریکارڈ کی گئیں، جبکہ بلوچستان میں 11 فیصد معمول سے کم بارشیں ریکارڈ کی گئیں۔ گلگت بلتستان میں 25، آزادکشمیر میں 39 فیصد کم بارش ریکارڈ کی گئی۔ دسمبر 2025ء میں درجہ حرارت معمول سے زیادہ 1.2 سینٹی گریڈ ریکارڈ ہوا، گلگت بلتستان میں 2.3، خیبرپختونخوا میں 1.5 سینٹی گریڈ درجہ حرارت ریکارڈ ہوا، پنجاب میں درجہ حرارت 1.9 جبکہ بلوچستان میں 1.2 سینٹی گریڈ ریکارڈ کیا گیا۔