بلوچستان میں مذہبی مقامات کی ترقی و بحالی حکومتی سرپرستی میں یقینی بنائی جائے گی، وزیر اعلیٰ میر سرفراز بگٹی

کوئٹہ میں وزیراعلیٰ کا اقلیتوں کو تحفظ فراہم کرنے کا عزم

وزیراعلیٰ میر سرفراز بگٹی کا کہنا ہے کہ صوبے میں اقلیتوں کو مکمل تحفظ فراہم کیا جا رہا ہے۔ ان کے مذہبی مقامات کی ترقی و بحالی حکومتی سرپرستی میں یقینی بنائی جائے گی۔ بلوچستان میں تمام مذاہب کے پیروکاروں کو برابر کے حقوق حاصل ہیں اور حکومت اقلیتی برادریوں کے مذہبی و ثقافتی ورثے کے تحفظ کے لیے سنجیدہ اقدامات کر رہی ہے۔

یہ بھی پڑھیں: ایران اور عراق میں ہزاروں پاکستانی پھنس گئے

اقلیتی وفد کی ملاقات

یہ بات انہوں نے سینیٹر دنیش کمار کی سربراہی میں اقلیتی برادری کے ایک وفد سے گفتگو کرتے ہوئے کہی۔ ملاقات میں ہنگلاج ماتا مندر کے ماسٹر پلان، جاری و مجوزہ تعمیراتی منصوبوں اور اراضی کی فراہمی سے متعلق امور کا تفصیلی جائزہ لیا گیا۔

ترقیاتی منصوبوں کے لیے فوری مالی امداد

وزیر اعلیٰ بلوچستان نے ہنگلاج ماتا مندر کے زیرِ تعمیر ترقیاتی منصوبوں کے لیے تمام منظور شدہ فنڈز کے فوری اجراء اور درکار اراضی کی جلد فراہمی کی ہدایت کی۔ اجلاس میں سینیٹر دینش کمار، رکن صوبائی اسمبلی سنجے کمار، چیف سیکرٹری بلوچستان شکیل قادر خان، سینئر ممبر بورڈ آف ریونیو قمبر دشتی، ایڈیشنل چیف سیکرٹری منصوبہ بندی و ترقیات زاہد سلیم، سیکرٹری مواصلات و تعمیرات لعل جان جعفر، سیکرٹری جنگلات عبد الفتح بھنگر، ہنگلاج ماتا مندر کے لیے قائم کمیٹی کے اراکین اور دیگر متعلقہ حکام نے شرکت کی۔

بلوچستان میں مذہبی مقامات کی ترقی و بحالی حکومتی سرپرستی میں یقینی بنائی جائے گی، وزیر اعلیٰ بلوچستان میر سرفراز بگٹی کی اقلیتی وفد سے بات چیت۔

وزیر اعلیٰ بلوچستان میر سرفراز بگٹی نے کہا ہے کہ صوبے میں اقلیتوں کو مکمل تحفظ فراہم کیا جا رہا ہے اور ان کے مذہبی مقامات کی ترقی و… pic.twitter.com/5Epb7tRMcC

— Chief Minister's Office Balochistan (@CMOBalochistan) January 6, 2026