مادورو کی گرفتاری کے دوران کیوبا اور وینزویلا کے 55 فوجی ہلاک ہوئے، سرکاری اعداد و شمار

وینزویلا میں فوجی آپریشن

کاراکاس (ڈیلی پاکستان آن لائن) وینزویلا کے صدر نکولس مادورو کی گرفتاری کے لیے امریکا کی جانب سے کیے گئے فوجی آپریشن کے دوران مجموعی طور پر کیوبا اور وینزویلا کے 55 فوجی اہلکار ہلاک ہو ئے۔ یہ اعداد و شمار منگل کے روز کیوبا اور وینزویلا کی حکومتوں نے باضابطہ طور پر جاری کیے۔

یہ بھی پڑھیں: معرکہ حق، یوم آزادی کی تقریبات کا آج آغاز، صدر، وزیراعظم شرکت کرینگے

کیوبا کی جانب سے ہلاکتوں کی تصدیق

اے ایف پی کے مطابق کیوبا کی حکومت نے اعلان کیا کہ اس کے 32 فوجی اہلکار اس رات کے فوجی حملے میں مارے گئے جو دارالحکومت کاراکاس میں مادورو کی گرفتاری پر منتج ہوا۔ کیوبا نے ہلاک ہونے والے تمام فوجیوں کے نام بھی جاری کر دیے ہیں۔

وینزویلا کی مسلح افواج کا بیان

دوسری جانب وینزویلا کی مسلح افواج نے تصدیق کی ہے کہ ان کے 23 فوجی اہلکار بھی اسی آپریشن کے دوران ہلاک ہوئے۔ وینزویلا فوج نے بھی اپنے ہلاک شدگان کی فہرست شائع کی ہے۔