سری لنکا کے خلاف سیریز سے قبل قومی ٹیم کے کپتان سلمان علی آغا کا بیان سامنے آگیا

سلمان علی آغا کا بیان

لاہور (ویب ڈیسک) قومی ٹی ٹوئنٹی ٹیم کے کپتان سلمان علی آغا نے کہا ہے کہ سری لنکا کے خلاف ٹی ٹوئنٹی سیریز تمام کھلاڑیوں کے لیے اپنی صلاحیتیں دکھانے کا بہترین موقع ہے جبکہ ورلڈ کپ سے قبل سری لنکا میں کھیلنا پاکستان ٹیم کے لیے نہایت فائدہ مند ہے۔

یہ بھی پڑھیں: ہر وعدے کی تکمیل، ہر خواب کی تعبیر

نوجوان کھلاڑیوں کی شمولیت

میڈیا سے گفتگو کرتے ہوئے سلمان علی آغا کا کہنا تھا کہ قومی اسکواڈ میں باصلاحیت نوجوان کھلاڑی شامل ہیں اور ٹیم مینجمنٹ کی کوشش ہوگی کہ انہیں زیادہ سے زیادہ مواقع فراہم کیے جائیں۔

امیدیں اور توقعات

انہوں نے امید ظاہر کی کہ نوجوان کھلاڑی اپنی ذمہ داری نبھاتے ہوئے شاندار کارکردگی کا مظاہرہ کریں گے اور ٹیم کی کامیابی میں اہم کردار ادا کریں گے۔ قومی کپتان نے مزید کہا کہ ایسی سیریز سے نہ صرف ٹیم کمبی نیشن آزمانے میں مدد ملتی ہے بلکہ بڑے ایونٹس سے قبل کھلاڑیوں کا اعتماد بھی بڑھتا ہے۔