بنگلہ دیش کو بھارت میں میچز نہ کھیلنے پر آئی سی سی کی ای میل موصول

بنگلادیش کو آئی سی سی کی ای میل موصول

دبئی (ڈیلی پاکستان آن لائن) بنگلادیش کو بھارت میں میچز نہ کھیلنے پر انٹرنیشنل کرکٹ کونسل (آئی سی سی) کی ای میل موصول ہو گئی۔

یہ بھی پڑھیں: گرلز سکولوں میں ہراسانی کے سدباب کیلئے خصوصی کمیٹیاں بنانے کا اصولی فیصلہ

بی سی بی کا آئی سی سی سے رابطہ

ذرائع بی سی بی کے مطابق بنگلادیش کرکٹ بورڈ کو گزشتہ رات گئے آئی سی سی کی جانب سے ای میل موصول ہوئی ہے۔ یہ ای میل آئی سی سی کی جانب سے بی سی بی کی اتوار کو کی گئی درخواست کا جواب ہے۔

یہ بھی پڑھیں: والدین ہوشیار رہیں، اپنے بچوں کو کسی بھی فساد کا ایندھن نہ بننے دیں: عظمیٰ بخاری

سیکیورٹی خدشات پر تفصیلات مطلوب

بی سی بی کے ذرائع کا کہنا ہے کہ آئی سی سی نے اپنی ای میل میں بنگلادیش سے ٹورنامنٹ کے حوالے سے سیکیورٹی خدشات سے متعلق پوچھا ہے۔ آئی سی سی نے سیکیورٹی خدشات کی نوعیت اور تفصیلات کے بارے میں معلومات طلب کی ہیں۔

یہ بھی پڑھیں: راولپنڈی ٹیسٹ: ٹکٹوں کے حوالے سے شائقین کرکٹ کیلئے اچھی خبر

تفصیلی جواب کی تیاری

ذرائع کا کہنا ہے کہ بی سی بی آئی سی سی کو آج تفصیلی جواب دے گا۔ بی سی بی کے ساتھ نہ ورچوئل کال ہوئی ہے اور نہ ہی بی سی بی کو بھارت نہ آنے کی صورت میں پوائنٹس نہ ملنے کا کہا گیا ہے۔

یہ بھی پڑھیں: سروسز چیفس کی مدت،پریکٹس اینڈ پروسیجر سمیت اہم بلز کا گزٹ نوٹیفکیشن جاری

بی سی بی کی مطالبات

واضح رہے کہ بی سی بی نے سیکیورٹی خدشات کی وجہ سے ٹی ٹوئنٹی ورلڈ کپ کے لیے بھارت نہ جانے اور میچز بھارت سے باہر منتقل کرنے کا مشورہ دیا تھا۔

یہ بھی پڑھیں: امریکی صدر کی دھمکی پر ایرانی سپریم لیڈر آیت اللہ خامنہ ای کے مشیر علی لاریجانی کا مؤقف بھی آ گیا

آئی سی سی کی درخواست کا جواب

اس سے قبل کرکٹ ویب سائٹ نے دعویٰ کیا تھا کہ انٹرنیشنل کرکٹ کونسل نے بنگلادیش کی بھارت سے باہر وینیو پر ٹی ٹوئنٹی ورلڈ کپ کے میچز منتقل کرنے کی درخواست مسترد کر دی۔

میچز کے لیے بھارت جانے کی ہدایت

میڈیا رپورٹس کے مطابق آئی سی سی نے بنگلادیش کی درخواست مسترد کرتے ہوئے میچز کے لیے بھارت جانے کا کہا ہے، اور اگر بھارت نہیں گئے تو پوائنٹس کھونے کا خدشہ بھی ظاہر کیا ہے۔