بنگلادیش کرکٹ بورڈ نے آئی سی سی کے ساتھ رابطے کا اعلامیہ جاری کر دیا

بی سی بی کا آئی سی سی کے ساتھ رابطہ

ڈھاکہ (ڈیلی پاکستان آن لائن) بنگلا دیش کرکٹ بورڈ (بی سی بی) نے انٹرنیشنل کرکٹ کونسل (آئی سی سی) کے ساتھ رابطے کا اعلامیہ جاری کر دیا ہے۔

یہ بھی پڑھیں: آسٹریلیا میں بھی رمضان المبارک کے آغاز کی تاریخ کا اعلان کر دیا

ٹی ٹوئنٹی ورلڈ کپ میں خدشات

اعلامیے میں کہا گیا ہے کہ آئی سی سی کی جانب سے جواب موصول ہوا ہے۔ بی سی بی نے بھارت میں ٹی ٹوئنٹی ورلڈ کپ میں شرکت کے حوالے سے خدشات کا اظہار کیا تھا۔

یہ بھی پڑھیں: سندھ جاب پورٹل پر ملازمتوں کے اشتہارات جلد جاری ہونگے، سندھ چیف سیکرٹری

میچز کی منتقلی کی درخواست

بی سی بی نے کہا ہے کہ بنگلا دیش کے میچز منتقل کرنے کی بھی درخواست کی گئی تھی۔ آئی سی سی نے جواب میں اس بات کی تصدیق کی ہے کہ بنگلا دیش ٹیم کی ورلڈ کپ میں شرکت کو کسی رکاوٹ کے بغیر یقینی بنایا جائے گا۔

یہ بھی پڑھیں: ٹی 20 ورلڈ کپ میچز بھارت سے منتقلی کی بنگلہ دیش بورڈ کی درخواست مسترد

تحفظات پر تعاون

اعلامیے میں کہا گیا ہے کہ آئی سی سی نے بی سی بی کے ساتھ تحفظات کے حوالے سے مل کر کام کرنے پر رضا مندی ظاہر کی ہے، اور بورڈ کے تحفظات پر غور کرنے پر بھی آمادگی دکھائی گئی ہے۔

یہ بھی پڑھیں: نیتن یاہو، ہٹلر کی طرح پوری دنیا میں شرارتیں کر رہا ہے، اس نے خطے کو جنگ میں دھکیل دیا : طیب اردگان

میڈیا کی خبروں کی وضاحت

بی سی بی کا کہنا ہے کہ میڈیا میں بنگلا دیش بورڈ کو الٹی میٹم دینے کی خبریں گردش کر رہی ہیں جن میں کوئی صداقت نہیں، یہ سب غلط ہیں۔ آئی سی سی کی کمیونیکیشن کو سیاق و سباق سے ہٹ کر رپورٹ کیا گیا ہے۔

تعمیری رابطے کا وعدہ

اعلامیے میں کہا گیا ہے کہ بنگلا دیش کرکٹ بورڈ آئی سی سی اور متعلقہ اتھارٹیز کے ساتھ تعمیری انداز میں رابطے جاری رکھے گا۔