کراچی، شہری کے ہاتھوں زخمی ہونے کے بعد ڈکیتی کا ڈھونگ رچانے والا ڈاکو گرفتار

کراچی (ویب ڈیسک) سائٹ ایریا پولیس نے شہری کی فائرنگ سے زخمی ہونے کے بعد ڈکیتی کی واردات کا ڈھونگ رچانے والے ڈکیت کو گرفتار کرلیا۔

اسلحہ اور مسروقہ سامان کی برآمدگی

ایس ایس پی کیماڑی امجد شیخ کے مطابق، گرفتار ملزم نے پہلے شہری کو لوٹا اور فائرنگ کرتے ہوئے فرار ہوگیا۔ شہری عمران نے اپنے لائسنس یافتہ اسلحے سے جوابی فائرنگ کی، جس کے نتیجے میں ملزم زخمی ہوا۔

ہسپتال میں ملزم کا ڈکیتی کا جھوٹا بیان

ملزم ہسپتال پہنچنے کے بعد ڈکیتی کی واردات کا ڈھونگ رچانے میں مصروف رہا۔ کیماڑی پولیس نے شاطر ملزم کو گرفتار کرکے اس کے دوسرے ساتھی کی تلاش شروع کردی ہے۔

مقدمہ اور مزید تفتیش کا عمل

ایس ایس پی کے مطابق، گرفتار ملزم نے سائٹ ایریا میں شہری سے قیمتی سامان جیسے موبائل اور موٹر سائیکل چھینی تھی۔ ملزم کے خلاف تھانہ سائٹ ایریا میں مقدمہ درج کرلیا گیا ہے، اور اس سے مزید تفتیش کا عمل جاری ہے۔