وزیر اعظم نے حکومت اور پی ٹی آئی میں مذاکرات کے حوالے سے گرین سگنل دیدیا

وزیر اعظم کا مذاکرات کیلئے اشارہ

اسلام آباد (ڈیلی پاکستان آن لائن) وزیراعظم شہباز شریف نے حکومت اور پی ٹی آئی کے درمیان مذاکرات کے لیے گرین سگنل دے دیا ہے۔

یہ بھی پڑھیں: کراچی کی وہ 11 مرکزی سڑکیں جن پر رکشوں کی آمدورفت پر پابندی عائد کردی گئی

مذاکرات کی تفصیلات

’’دنیا نیوز‘‘ نے ذرائع کے حوالے سے بتایا ہے کہ حکومت اور تحریک انصاف کے درمیان مذاکرات کے معاملے پر وزیراعظم شہباز شریف نے سپیکر سردار ایاز صادق کو گرین سگنل دیا ہے۔ حکومتی وفد سپیکر کی درخواست پر مذاکرات کے لیے تیار ہے۔ یہ مذاکرات صرف پی ٹی آئی کے منتخب نمائندوں کے ساتھ ہوں گے، غیر منتخب نمائندوں سے بات چیت نہیں کی جائے گی۔

یہ بھی پڑھیں: ملبہ گرنے کا خطرہ، اسرائیلی سٹاک مارکیٹ کے قریب کئی عمارتوں کو سیل کر دیا گیا

سپیکر آفس کی طرف سے معلومات

دوسری جانب سپیکر آفس کے ذرائع کا کہنا ہے کہ ابھی تک مذاکرات کے لیے تحریک انصاف کے کسی رہنما نے باضابطہ رابطہ نہیں کیا۔ سردار ایاز صادق نے پارلیمانی کمیٹی برقرار رکھی ہوئی ہے، اور اگر اپوزیشن رضا مند ہوتی ہے تو فوری طور پر سپیکر پارلیمانی کمیٹی کا اجلاس بلائیں گے۔

اپوزیشن کا رد عمل

پارلیمانی ذرائع کے مطابق سپیکر کی پیشکش کے باوجود ابھی تک اپوزیشن نے ان سے رابطہ نہیں کیا ہے۔ سپیکر نے تحریک انصاف کو اپنے چیمبر میں آنے کی دعوت دی ہوئی ہے۔ واضح رہے کہ تحریک انصاف نے سپیکر سے آخری ملاقات محمود اچکزئی کو اپوزیشن لیڈر بنانے کے لیے کی تھی.