امریکی قوانین کی خلاف ورزی آپ کے لیے سنگین نتائج کا سبب بن سکتی ہے – امریکی سفارتخانے نے بھارتی طلباء کو خبردار کیا

بھارت میں امریکی سفارتخانے کی انتباہ

نئی دہلی (مانیٹرنگ ڈیسک) بھارت میں امریکی سفارتخانے نے امریکہ میں زیر تعلیم بھارتی طلباء کو خبردار کردیا ہے۔

امریکی قوانین کی خلاف ورزی کے نتائج

سماجی رابطے کی ویب سائٹ "ایکس" پر جاری کیے گئے اپنے بیان میں امریکی سفارتخانے کا کہنا ہے کہ "امریکی قوانین کی خلاف ورزی آپ کے سٹوڈنٹ ویزا کے لیے سنگین نتائج کا باعث بن سکتی ہے۔ اگر آپ گرفتار ہوتے ہیں یا کسی بھی قانون کی خلاف ورزی کرتے ہیں تو آپ کا ویزا منسوخ ہو سکتا ہے۔ آپ کو ملک بدر کیا جا سکتا ہے اور مستقبل میں امریکی ویزا کے لیے نااہل بھی قرار دیا جا سکتا ہے، اس لیے قوانین کی پابندی کریں اور اپنے سفر و تعلیمی مواقع کو خطرے میں نہ ڈالیں۔ امریکی ویزا ایک استحقاق ہے، حق نہیں۔"

ویزا کی اہمیت

Breaking U.S. laws can have serious consequences for your student visa. If you are arrested or violate any laws, your visa may be revoked, you may be deported, and you could be ineligible for future U.S. visas. Follow the rules and don’t jeopardize your travel. A U.S. visa is a… pic.twitter.com/A3qyoo6fuD

— U.S. Embassy India (@USAndIndia) January 7, 2026

بھارتی طالب علم کی گرفتاری کا واقعہ

’’جنگ‘‘ کے مطابق بھارتی میڈیا کا کہنا ہے کہ امریکی سفارتخانے کی جانب سے یہ وارننگ ایسے وقت میں سامنے آئی ہے، جب گزشتہ برس جون میں نیو یارک ایئرپورٹ پر ایک بھارتی طالب علم کی ہتھکڑی لگی ویڈیو وائرل ہوئی تھی۔

رپورٹس میں دعویٰ کیا گیا تھا کہ مذکورہ شخص بغیر درست ویزا کے غیر قانونی طور پر امریکہ میں داخل ہوا تھا، جس کے بعد اسے ملک بدر کر دیا گیا۔