پاکستانی فوج ہر قسم کے چیلنجز سے نمٹنے کے لیے پرعزم، خودمختاری اور علاقائی سالمیت کا تحفظ اولین مشن ہے، فیلڈ مارشل

فیلڈ مارشل سید عاصم منیر کا بیان

لاہور (ڈیلی پاکستان آن لائن) فیلڈ مارشل سید عاصم منیر نے کہا ہے کہ پاک فوج ہر قسم کے چیلنجز سے نمٹنے کے لئے پرعزم ہے، خودمختاری اور علاقائی سالمیت کا تحفظ پاک فوج کا اولین مشن ہے۔

یہ بھی پڑھیں: جیت کا کریڈٹ شاہین آفریدی کو دینا چاہیے، انہوں نے اچھی کپتانی کی، ہیڈ کوچ مائیک ہیسن

لاہور گیریژن کا دورہ

پاک فوج کے شعبہ تعلقات عامہ آئی ایس پی آر کے مطابق فیلڈ مارشل سید عاصم منیر نے لاہور گیریژن کا دورہ کیا، جہاں انہیں آپریشنل تیاریوں پر بریفنگ دی گئی۔ فیلڈ مارشل نے فارمیشن کے زیراہتمام تربیتی مشقوں کا جائزہ لیا۔

یہ بھی پڑھیں: راوی کنارے قائم آبادی فرخ آباد پانی میں ڈوب گئی، لوگ چھتوں پر چڑھ گئے، مدد کو کوئی نہ آیا

مستقبل کی جنگوں کی تیاری

آئی ایس پی آر کے مطابق آرمی چیف نے مستقبل کی جنگوں کے حوالے سے تیاریوں اور جدت اپنانے پر زور دیا، اور جوانوں کو فراہم کردہ کھیلوں اور تفریحی سہولتوں کی تعریف کی۔

یہ بھی پڑھیں: قائداعظم یونیورسٹی میں طلبا کے دو گروپوں میں تصادم

ہائی کیئر سینٹر کا دورہ

آئی ایس پی آر کے مطابق آرمی چیف نے سی ایم ایچ لاہور میں ہائی کیئر سینٹر کا بھی دورہ کیا، جہاں فیلڈ مارشل نے طبی عملے اور انتظامیہ کی خدمات کی تعریف کی۔

یہ بھی پڑھیں: تحریک انصاف پاکستان مخالف بیانیے سے اظہار لا تعلقی نہیں کر رہی، وزیر دفاع خواجہ آصف

افسران سے خطاب

آئی ایس پی آر کے مطابق چیف آف ڈیفنس فورسز نے لاہور گیریژن میں افسران سے خطاب کرتے ہوئے کہا کہ قومی سلامتی کو خطرات کے حوالے سے زیرو ٹالرنس پالیسی ہے۔ انہوں نے کہا کہ پاک فوج ہر قسم کے چیلنجز سے نمٹنے کے لیے پرعزم ہے اور خودمختاری اور علاقائی سالمیت کا تحفظ پاک فوج کا اولین مشن ہے۔

یہ بھی پڑھیں: امریکہ میں موت کی سزا پانے والے قیدی نے آخری خواہش میں پیزا، بیف برگر اور آئس کریم کھانے کی فرمائش کر دی

افواج کی خدمات اور مستقبل کی ضرورتیں

فیلڈ مارشل نے کہا کہ افواج اعلیٰ معیار، نظم و ضبط اور بے لوث قومی خدمت کو فروغ دے رہی ہیں۔ پاک افواج ملک کی خود مختاری، علاقائی سالمیت اور داخلی استحکام کے تحفظ کے لیے ثابت قدم ہیں۔ مستقبل کی جنگ، جدت اور لچک ناگزیر ہے، اور پاک فوج جدید تقاضوں سے ہم آہنگ ہونے کی بھرپور صلاحیت رکھتی ہے۔ جوانوں کی جسمانی فٹنس اور مورال ہماری ترجیح ہے۔

خوش آمدید

فیلڈ مارشل کی لاہور آمد پر کمانڈر لاہور نے ان کا استقبال کیا۔