سردی کی شدت میں اضافے کی پیشگوئی، محکمہ موسمیات نے خبردار کردیا

کراچی میں سردی کی شدت میں اضافہ

کراچی(ڈیلی پاکستان آن لائن)محکمہ موسمیات نے سردی کی شدت میں اضافے کی پیشگوئی کردی۔

یہ بھی پڑھیں: سٹیٹ بینک کو آئی ایم ایف سے ایک ارب 2کروڑ30لاکھ ڈالر موصول

سردی کی شدت کا معائنہ

نجی ٹی وی سما نیوز کے مطابق ڈپٹی ڈائریکٹر میٹ انجم نذیر کا کہنا ہے کہ کراچی میں ہفتے اور اتوار کو سردی کی شدت میں مزید اضافہ ہوگا۔ کوئٹہ میں درجہ حرارت منفی ہوا جس کا اثرکراچی میں بھی ہوا۔

یہ بھی پڑھیں: افغان معیشت کی تباہی اور شدید بے روزگاری، اقوام متحدہ کی حیران کن کاؤنٹر فنانسنگ ٹیررازم رپورٹ منظر عام پر آ گئی

درجہ حرارت میں کمی

انجم نذیر نے کہا کہ کوئٹہ کی ہواوں کے باعث کراچی کے درجہ حرارت میں دو ڈگری سینٹی گریڈ کمی ہوئی۔ آنےوالےدنوں میں درجہ حرارت 10ڈگری سینٹی گریڈتک جانےکاامکان ہے، ہفتہ یا اتوار تک کراچی کا درجہ حرارت سنگل ڈیجیٹ تک آجائے گا۔

دیگر شہر کا موسم

دوسری جانب اسلام آباد اور گردونواح میں موسم سرد اور خشک رہنے کا امکان ہے، خیبر پختونخوا کے پہاڑی علاقوں میں موسم شدید سرد رہنے کا امکان ہے جبکہ بلوچستان کے شمالی اضلاع میں شدید سردی رہنے کی توقع ہے۔