پی ٹی آئی رہنماؤں نے ڈی جی آئی ایس پی آر کی پریس کانفرنس میں الزامات کا جواب دیدیا

پریس کانفرنس کا آغاز

اسلام آباد(ڈیلی پاکستان آن لائن)پاکستان تحریک انصاف کے رہنماؤں نے وفاقی دارالحکومت میں پریس کانفرنس کرتے ہوئے ڈی جی آئی ایس پی آر کی پریس کانفرنس پر اپنے ردعمل کا اظہار کیا ہے۔

یہ بھی پڑھیں: کوئٹہ سے تونسہ جانے والی بس کو مسافروں سمیت اغواء کیے جانے کی خبرں کی حقیقت سامنے آگئی

دہشت گردی کا ایکشن پلان

نجی ٹی وی چینل ایکسپریس نیوز کے مطابق چیئرمین پی ٹی آئی بیرسٹر گوہر نے سلمان اکرم راجا اور اسد قیصر کے ساتھ پریس کانفرنس کرتے ہوئے بتایا کہ آج صرف ون پوائنٹ ایجنڈا دہشتگردی ہے۔ انہوں نے کہا کہ پی ٹی آئی کا ہمیشہ سے موقف رہا ہے کہ دہشتگردی ایک ناسور ہے اور اس پر سیاست نہیں ہونی چاہیے بلکہ اس کا خاتمہ ضروری ہے۔ انہوں نے کہا کہ دہشتگردی کے خلاف نیشنل ایکشن پلان کے 14 نکات پر عملدرآمد کرایا جائے۔

یہ بھی پڑھیں: فیض حمید کو باضابطہ طور پر چارج شیٹ کیا گیا

پی ٹی آئی کا موقف

بیرسٹر گوہر کا کہنا تھا کہ دہشتگردی کے خلاف خیبرپختونخوا کی حکومت اور پی ٹی آئی متفق ہیں۔ یہ کہنا درست نہیں کہ پی ٹی آئی کی حکومت دہشتگردی کے خلاف تعاون نہیں کر رہی۔ انہوں نے واضح کیا کہ دہشتگردوں کا نہ کوئی مذہب ہوتا ہے اور نہ کوئی جماعت۔ یہ کہنا کہ دہشتگردی میں پی ٹی آئی کو نشانہ نہیں بنایا جاتا، غلط ہے۔

یہ بھی پڑھیں: 12 ویں منزل سے نیچے گرنے والی خاتون کرشماتی طور پر زندہ بچ گئی

مرکزی مذاکرات کا مینڈیٹ

چیئرمین پی ٹی آئی کا مزید کہنا تھا کہ ان کے کسی کے ساتھ کوئی مذاکرات نہیں ہو رہے۔ مذاکرات کا مینڈیٹ بانی پی ٹی آئی نے علامہ راجا ناصر عباس اور محمود اچکزئی کو دیا ہے۔ انہوں نے کہا کہ وزیراعلیٰ کے پی کے نے بھی کل یہ کہا ہے کہ یہاں کے عوام کو بھی سنیں، عوام کی آواز کو سنا جائے۔ ادارے، اداروں کے سربراہ اور سیاستدان باپ نہیں بلکہ عوام کے خادم ہیں۔

یہ بھی پڑھیں: 13 سالہ لڑکی کا مہینوں تک ریپ کرنے والے 4 نوجوان لڑکوں سمیت 8 افراد گرفتار

سلمان اکرم راجا کا بیان

پی ٹی آئی رہنما سلمان اکرم راجا نے پریس کانفرنس سے خطاب کرتے ہوئے کہا کہ بانی پی ٹی آئی کے بارے میں یہ کہنا کہ وہ دہشتگردوں کے ہمدرد ہیں، بالکل غلط ہے۔ انہوں نے کہا کہ پی ٹی آئی دہشتگردوں کی حمایت نہیں کرتی بلکہ صرف معصوم لوگوں کے قتل کو غلط قرار دیتی ہے۔

یہ بھی پڑھیں: حارث رؤف میجر لیگ میں ٹاپ بولر بن گئے

آپریشنز کی پالیسی کا جائزہ

انہوں نے کہا کہ اگر آپریشنز کی پالیسی کامیاب نہیں ہوئی تو اسے بدلا جائے۔ انہوں نے بتایا کہ صوبے کے 1.6 بلین روپے وفاق کے ذمے ہیں، این ایف سی کو ملا کر یہ رقم 567 بلین بنتی ہے جب کہ 2.5 بلین روپے آئل اینڈ گیس کی مد میں بھی خیبرپختونخوا کے وفاق کے ذمے ہیں۔

آخری خیالات

اسد قیصر نے مزید کہا کہ پی ٹی آئی پاکستان کی سب سے بڑی سیاسی جماعت ہے اور اسے کرش کرنے کی کوشش کی جا رہی ہے۔ الٹا ہمارے خلاف مہم چلائی جا رہی ہے۔ ہم سمجھتے ہیں پاکستان ہماری جان ہے۔