سر میں جوؤں کی بھرمار، ندا یاسر کے بیان نے نئی بحث چھیڑ دی

ندا یاسر کا مزید ایک انکشاف

کراچی(ڈیلی پاکستان آن لائن) معروف ٹیلی ویژن میزبان ندا یاسر کی جانب سے اپنی ذاتی زندگی سے جڑا ایک انکشاف سوشل میڈیا پر توجہ کا مرکز بن گیا ہے، جس میں انہوں نے کہا ہے کہ ایک وقت ایسا بھی آیا جب میرے سر میں جوؤں کی بھرمار ہوگئی تھی۔

یہ بھی پڑھیں: میچ کے اختتام پر بھی بھارتی ٹیم نے سپورٹس مین شپ کیخلاف عمل کرتے ہوئے پاکستانی کھلاڑیوں سے مصافحہ نہ کیا

ہیئر ایکسٹینشنز کا تجربہ

ندا یاسر نے حالیہ انٹرویو میں کہا کہ دبئی سے ہیئر ایکسٹینشنز لگوائی تھیں، جو مکمل طور پر بالوں میں سلوائی گئی تھیں اور ظاہری طور پر نہایت خوبصورت لگ رہی تھیں۔

یہ بھی پڑھیں: لاہور میں ڈاکو 90 سالہ بزرگ خاتون کے کانوں سے سونے کی بالیاں نوچ کر فرار ہو گیا

صفائی کی عادت اور مسائل

ندا یاسر نے بتایا کہ لمبے بال ملنے پر بے حد خوش تھیں اور باقاعدگی سے ان ایکسٹینشنز کی صفائی کے لیے شیمپو بھی استعمال کر رہی تھیں، تاہم شیمپو کے بعد میرے قدرتی بال تو جلد خشک ہو جاتے تھے، مگر جہاں ایکسٹینشنز لگی ہوتی تھیں وہ حصہ اکثر نم رہتا تھا۔

یہ بھی پڑھیں: انڈونیشیا کے صدر پرابوو سوبیانتو پاکستان پہنچ گئے

جوؤں کا حملہ

ان کا کہنا تھا کہ یہی نمی بعد میں جوؤں کے لیے موزوں جگہ بن گئی، صورتحال کا اندازہ ہوتے ہی انہوں نے فوری طور پر پارلر جا کر ہیئر ایکسٹینشنز نکلوا دیے تاکہ مزید نقصان سے بچا جا سکے۔

یہ بھی پڑھیں: محکمہ موسمیات نے ملک بھر میں آج بارش کا امکان ظاہر کر دیا

سوشل میڈیا پر ردعمل

اس انکشاف پر سوشل میڈیا صارفین کی جانب سے مختلف ردعمل سامنے آئے، کچھ افراد ندا یاسر کی صفائی کی عادت کو سراہ رہے ہیں اور اسے مشکل موضوع پر ایماندارانہ اعتراف کرنے پر خوشی کا اظہار کر رہے ہیں، جبکہ بعض صارفین کا کہنا ہے کہ یہ واقعہ ان کے حد سے زیادہ ذاتی تجربات شیئر کرنے کی ایک اور مثال ہے۔

یہ بھی پڑھیں: بھارتی اداکارہ کرشمہ شرما نے دوستوں کی خاطر چلتی ٹرین سے چھلانگ لگا دی

ندا یاسر کا کیریئر

واضح رہے کہ ندا یاسر کا شمار مارننگ شوز کی مقبول ترین میزبانوں میں ہوتا ہے۔ وہ طویل عرصے سے اس شو کی میزبانی کرتی آ رہی ہیں اور اس حوالے سے ایک منفرد ریکارڈ بھی رکھتی ہیں۔

اداکاری اور متنازع بیانات

انہوں نے ڈرامہ انڈسٹری میں بطور اداکارہ بھی کام کیا، تاہم ندا یاسر کو اصل شہرت ان کے مارننگ شو سے حاصل ہوئی، جسے وہ گزشتہ 17 سال سے مسلسل کر رہی ہیں اور آج بھی یہ پروگرام ناظرین میں خاصا مقبول ہے۔

اس کے ساتھ ساتھ ندا یاسر اکثر اپنے غیر معمولی اور بعض اوقات متنازع بیانات کے باعث بھی خبروں میں رہتی ہیں، جن پر سوشل میڈیا پر بحث ہونا معمول بن چکا ہے۔