عطاتارڑ نے تحریک انصاف کو کالعدم ٹی ٹی پی کا سیاسی ونگ اور سہولت کار قرار دے دیا
وفاقی وزیر معلومات کا بیان
اسلام آباد (سٹاف رپورٹر) وفاقی وزیر اطلاعات عطاتارڑ نے تحریک انصاف کو کالعدم ٹی ٹی پی کا سیاسی ونگ اور سہولت کار قرار دے دیا۔ ان کا کہنا ہے کہ پی ٹی آئی پر کبھی حملہ نہیں ہوگا۔ پی ٹی آئی نے استثنیٰ لیا ہوا ہے، قوم اس کا خمیازہ بھگت رہی ہے اس کے پیچھے تحریک انتشار ہے۔
یہ بھی پڑھیں: رائل چیلنجرز بنگلور کی جیت کے جشن کے دوران ہلاکتیں، ایف آئی آر درج
پریس کانفرنس میں خیبرپختونخوا کی حکمرانی پر تنقید
اسلام آباد میں پریس کانفرنس کرتے ہوئے انہوں نے کہا کہ خیبرپختونخوا میں ایسی حکمران مسلط ہیں جن کے ذہن بہت چھوٹے ہیں، خیبر پختونخوا میں بدقسمتی سے چھوٹے دل والی حکومت مسلط ہے۔ وزیراعلٰی کے پی نے لاہور جاتے ہی خواتین کی تضحیک کی۔ خیبر پختونخوا کی حکومت کا کردار شرمناک ہے، یہ عورتوں پر طعنے کستے ہیں۔
یہ بھی پڑھیں: بھارتی حملے کے بعد خطرات مزید بڑھے ہیں، شبلی فراز
پی ٹی آئی کی موقف پر سوالات
وزیر اطلاعات نے کہا کہ پی ٹی آئی کالعدم تحریک طالبان کے خلاف بات کیوں نہیں کرتی؟، تم میں طاقت ہے تو حوصلے سے بات کرو، ٹی ٹی پی پاکستان کی دشمن ہے، آخری دم تک اس کا تعاقب کریں گے۔
یہ بھی پڑھیں: موٹر وے پر پولیس وین ٹرک سے ٹکرا گئی، 2 اہلکار جاں بحق، 8 زخمی
انتقادات اور کاوشیں
عطاتارڑ نے کہا کہ پی ٹی آئی نے دہشت گردوں کو لاکر خیبر پختونخوا میں بسایا، ان کا لیڈر دہشت گردوں کو شہید کہتا تھا، اُن کا اپنا ایجنڈا ہے، پاک فوج کے کسی جوان کیلئے کبھی انہوں نے ایک لفظ تک نہیں لکھا۔ کالعدم ٹی ٹی پی کا تعاقب کر کے اس کا خاتمہ کریں گے۔
یہ بھی پڑھیں: کرپشن کیسز میں گرفتار ملزم کو رہا کرنے کا الزام، ایڈیشنل چیف سیکرٹری داخلہ سندھ نیب میں طلب
پنجاب کی ترقی اور دیگر صوبوں کی صورتحال
ان کا کہنا تھا کہ پنجاب کی ترقی سب کے سامنے ہے، سوائے کے پی ہر جگہ ترقی ہو رہی ہے، سندھ اور بلوچستان میں ترقیاتی منصوبے جاری ہیں۔ خیبر پختونخوا میں 12 سال سے برسراقتدار حکومت کی گورننس زبوں حالی کا شکار ہے۔
وزیر اعظم کے بیرونی دوروں پر تنقید
انہوں نے کہا کہ وزیراعظم کے بیرونی دوروں پر تنقید کرنے والے لوگ نادان ہیں، کوئی بلا رہا ہے تو وزیراعظم جا رہے ہیں، دعا کریں ہر وزیراعظم کو اتنی ہی عزت ملے جتنی شہباز شریف کو ملتی ہے، وزیراعظم اور فیلڈ مارشل کی عزت ہر پاکستانی کی عزت ہے۔
