دعویٰ سے کہتا ہوں پی ٹی آئی ہر چیز پر وفاق اور اسٹیبلشمنٹ کے ساتھ آن بورڈ ہے، شیرافضل مروت

شیرافضل مروت کا بیان

اسلام آباد (آئی این پی) رکن قومی اسمبلی شیرافضل مروت نے کہا ہے کہ دعوے سے کہتا ہوں پی ٹی آئی ہر چیز پر وفاق اور اسٹیبلشمنٹ کے ساتھ آن بورڈ ہے۔ نئی کے پی حکومت آنے کے بعد کبھی سنا کہ کسی ڈرون کی مذمت کررہی ہو؟

یہ بھی پڑھیں: رواں سال پشاور کے عمران خان اسٹیڈیم میں پی ایس ایل کے میچز کرانے کا فیصلہ

پی ٹی آئی کا بیانیہ

ایک انٹرویو میں انہوں نے کہا کہ پی ٹی آئی میں کسی ایک شخص کی زبان یا بولی پوری جماعت کا بیانیہ نہیں ہے۔ کے پی میں دہشتگردی 25 سالوں سے ہے، دعوے سے کہتا ہوں کہ پی ٹی آئی مکمل طور پر تمام چیزوں پر وفاق اور اسٹیبلشمنٹ کے ساتھ آن بورڈ ہے۔

یہ بھی پڑھیں: جنوبی کوریا کے ایک ہوٹل سے جاننے والے کی رقم چرا کر بیرونِ ملک فرار کی کوشش کرنے والا چینی شخص ایئرپورٹ پر گرفتار

صوبائی حکومت کی غلط بیانی

نئی کے پی حکومت آنے کے بعد کبھی سنا کہ کسی ڈرون کی مذمت کررہی ہو؟ کے پی سے سارے افغانیوں کو بھی چلتا کردیا ہے۔ وادی تیراہ میں آپریشن ہورہا ہے لیکن صوبائی حکومت غلط بیانی کررہی ہے کہ کوئی آپریشن نہیں ہورہا ہے۔ باجوڑ اور دو تین علاقوں میں آپریشن کی تیاریاں ہورہی ہیں۔

یہ بھی پڑھیں: گورنر خیبرپختونخوا کا بشریٰ بی بی اور علیمہ خان کی رہائی پر تحفظات کا اظہار

پی ٹی آئی اور وفاق کی ہم آہنگی

کے پی حکومت کا وفاق اور اسٹیبلشمنٹ کے ساتھ آن بورڈ ہونا اچھی بات ہے، لیکن پی ٹی آئی سوشل میڈیا کے ڈر سے اور عوام کو اینٹی اسٹیبلشمنٹ بیانیہ دینے کیلئے ہر اس چیز کی مذمت کرتے ہیں جو ریاست کو درکار ہوتی ہے۔

عمران خان کے الزامات

انہوں نے کہا کہ عمران خان کے الفاظ ہیں کہ شہباز گل نے میرا موبائل فون سافٹ ویئر لگا کر انٹیلی جنس ایجنسی کو دیا اور مجھے پتا بھی نہیں تھا۔ خان کے دونوں موبائل چوری کرکے فیض حمید کے حوالے کئے گئے۔