5 سالہ منصوبہ سے کینسر کے ہزاروں مریض مستفید ہوں گے، پہلے مرحلے میں مفت ادویات فراہم کی جائیں گی: مصطفیٰ کمال

کینسر کے مریضوں کے لیے مفت ادویات کی فراہمی

اسلام آباد (ڈیلی پاکستان آن لائن) وفاقی وزیر برائے صحت سید مصطفیٰ کمال نے کہا ہے کہ اسلام آباد، آزاد کشمیر اور گلگت بلتستان کے کینسر کے مریضوں کو مفت ادویات فراہم کی جائیں گی۔ 5 سالہ منصوبہ سے کینسر کے ہزاروں مریض مستفید ہوں گے۔

یہ بھی پڑھیں: مستونگ: بی این پی کا لکپاس دھرنے کے مقام پر آل پارٹیز کانفرنس بلانے کا اعلان

پبلک پرائیویٹ پارٹنر شپ کے تحت معاہدہ

ان خیالات کا اظہار انہوں نے کینسر کے مریضوں کو پبلک پرائیویٹ پارٹنر شپ کے تحت مفت ادویات کی فراہمی کے معاہدے کی تقریب کے دوران کیا۔ مصطفیٰ کمال نے کہا کہ ادویات حکومت پاکستان اور ادویہ ساز کمپنی "روش" کے مشترکہ تعاون سے فراہم کی جائیں گی۔

یہ بھی پڑھیں: سیکیورٹی ایجنسیز بھارتی پراکسیز کا خاتمہ کرکے دم لیں گی، عطا تارڑ

علاج کی سہولیات اور مالی تقسیم

پمز ہسپتال میں اسلام آباد، آزاد کشمیر اور گلگت بلتستان کے شہریوں کو علاج معالجے کی سہولیات فراہم کی جائیں گی۔ پہلے مرحلے میں پمز ہسپتال میں کینسر کے مریضوں کو مفت ادویات فراہم کی جائیں گی جن میں سے 70 فیصد اخراجات کمپنی جبکہ باقی 30 فیصد اخراجات حکومت پاکستان برداشت کرے گی۔ عوام کو معیاری علاج معالجے کی سہولت کی فراہمی ہماری ترجیح ہے۔

یہ بھی پڑھیں: ٹی ٹوئنٹی ورلڈ کپ فائنل، آج نریندرمودی اسٹیڈیم میں نیوزی لینڈ اور بھارت کی ٹیمیں ٹکرائیں گی

745 مریضوں کے لیے علاج

انہوں نے کہا کہ پہلے مرحلے میں تقریباً 745 مریض جو کینسر کے علاج کے لیے پمز ہسپتال آئیں گے، ان کے علاج کے لیے ادویات مفت فراہم کی جائیں گی۔

یہ بھی پڑھیں: پنجاب کا 26-2025ء کیلئے 5335 ارب روپے کا بجٹ اسمبلی میں پیش

کاروباری شراکت داری کا آغاز

"اے پی پی" کے مطابق وفاقی وزیر مصطفیٰ کمال نے کہا کہ کینسر کے علاج کے لیے تقریباً 1 کروڑ مالیت کی ادویات مفت فراہم کی جائیں گی۔ کینسر جیسی موذی بیماری پورے خاندان کو تباہ کر دیتی ہے، دوا ساز کمپنی "روش" پاکستان کے پاس 3 طرح کے کینسر کے علاج کی ادویات ہیں جن سے چھاتی کے کینسر، پھیپھڑوں کے کینسر اور لیور کینسر کا علاج ممکن ہے۔

حکومت اور کمپنی کی شراکت

10 لاکھ حکومت پاکستان اور تقریباً 90 لاکھ کمپنی فراہم کرے گی۔ یہ پہلا مرحلہ ہے، اگر پبلک پرائیویٹ کا اعتماد بحال ہوا تو مزید منصوبے بھی شروع ہوں گے۔ ہیلتھ کیئر بیماری سے بچانے کا نام ہے۔ وزیراعظم کی رہنمائی اور فکر مندی سے ہم صحت کے شعبے میں بہتری لا رہے ہیں، پمز ہسپتال سے اس منصوبے کا آغاز ہوگا۔