مولانا فضل الرحمان 3 روزہ دورے پر کل لاہور آئیں گے، اہم ملاقاتیں طے
مولانا فضل الرحمان کا لاہور دورہ
لاہور(ڈیلی پاکستان آن لائن) جے یو آئی(ف) کے سربراہ مولانا فضل الرحمان 3 روزہ دورے پر کل لاہور پہنچیں گے۔
یہ بھی پڑھیں: چینی خاتون نے زلزلے میں جان بچانے والے فوجی اہلکار کو جیون ساتھی بنا لیا
11 جنوری کا پروگرام
ترجمان جے یو آئی پنجاب کے مطابق 11 جنوری کو صبح 10 بجے مولانا فضل الرحمان جامعہ اشرفیہ لاہور میں تعزیتی اجتماع و مدارس کنونشن سے خطاب کریں گے۔ بعد نماز ظہر، وہ جامعہ مدنیہ جدید رائیونڈ روڈ لاہور میں ختم بخاری کے اجتماع سے خطاب کریں گے۔
یہ بھی پڑھیں: جنگ میں جیت کی خوشیاں مناتے لاہوریوں پر موسم بھی مہربان ہو گیا، شہر میں بارش اور ژالہ باری
12 جنوری کا شیڈول
مولانا فضل الرحمان 12 جنوری کو بعد نماز ظہر صوبائی ڈیجیٹل میڈیا کنونشن سے خطاب کریں گے۔
یہ بھی پڑھیں: پاکستانی نوجوان نے لذیذ جنوبی ایشیائی پکوان چین بھر میں متعارف کرا دیئے
اجتماعی ملاقاتیں
’’دنیا نیوز‘‘ کے مطابق حافظ غضنفر عزیز نے بتایا کہ سربراہ جے یو آئی اس دورے میں علماء کرام، سماجی شخصیات، جماعتی ذمہ داران اور پارٹی ورکرز سے ملاقاتیں کریں گے۔
ہمراہ وفد
دورے میں مرکزی کوآرڈینیٹر انجینئر ضیاء الرحمان، صوبائی امیر مولانا صفی اللہ، سیکرٹری جنرل حافظ نصیر احمد احرار ودیگر بھی ہمراہ ہوں گے۔
