یمن: ایس ٹی سی نے خود کو تحلیل کرنے کا اعلان کر دیا

جنوبی عبوری کونسل کا خاتمہ

صنعاء/عدن (ڈیلی پاکستان آن لائن) یمن کی جنوبی عبوری کونسل (ایس ٹی سی) کے ارکان اور اس سے وابستہ اداروں نے جمعہ کے روز کونسل کو تحلیل کرنے کا فیصلہ کر لیا۔

یہ بھی پڑھیں: بھارت کی ایل او سی پر جارحیت، پاک فوج کا منہ توڑ جواب، متعدد چیک پوسٹیں تباہ

فوجی کارروائیوں پر تحفظات

العربیہ کے مطابق جاری کردہ بیان میں ارکان نے کہا کہ حضرموت اور المہرہ میں ہونے والی حالیہ عسکری کارروائی کے فیصلے میں ان سے مشاورت نہیں کی گئی، اور یہ کارروائی “جنوبی کاز کو نقصان پہنچانے” کا باعث بنی۔

یہ بھی پڑھیں: پنجاب ؛سکولوں میں موسم سرما کی چھٹیوں کا نوٹیفکیشن تبدیل،تعلیمی ادارے کب سے کب تک بند رہیں گے؟جانیے

کونسل کی ناکامی

بیان میں مزید کہا گیا کہ جنوبی عبوری کونسل اپنے مقررہ اہداف حاصل کرنے میں ناکام رہی، جس کے باعث کونسل کو ختم کرنے کا فیصلہ کیا گیا۔

یہ بھی پڑھیں: چودھری شافع حسین کی چینی قونصل جنرل سے ملاقات، انڈسٹری ڈیپارٹمنٹ اور قونصلیٹ کے مابین ورکنگ گروپ تشکیل دینے کی تجویز پر اتفاق

ریاض کانفرنس کی امیدیں

ارکان نے امید ظاہر کی کہ ریاض میں ہونے والی کانفرنس “جنوبی مسئلے کے حل کے لیے ایک واضح وژن” پیش کرے گی، جبکہ سعودی عرب کا آئندہ مذاکرات کی میزبانی پر شکریہ بھی ادا کیا گیا۔

امارات کی حمایت

واضح رہے کہ ایس ٹی سی کو متحدہ عرب امارات کی حمایت حاصل تھی۔ گزشتہ دنوں امارات کی اس پراکسی نے تیزی سے جنوبی یمن پر قبضہ کیا جس کے بعد سعودی عرب نے اس پر فضائی حملے کیے۔ ایس ٹی سی کی وجہ سے امارات اور سعودی عرب کے تعلقات میں بھی کشیدگی دیکھنے کو ملی تھی。