لاہور، اچھرہ جیولری مارکیٹ کے بعد ہال روڈ مارکیٹ میں مبینہ طور پر کروڑوں کا فراڈ

لاہور میں فراڈ کی نئی واردات

لاہور کی اچھرہ جیولری مارکیٹ کے بعد ہال روڈ مارکیٹ میں بھی مبینہ طور پر کروڑوں کا فراڈ سامنے آگیا۔ دو ملزمان درجن سے زائد دکانداروں اور خریداروں سے 15 کروڑ کا فراڈ کر کے فرار ہوگئے۔ متاثرہ دکانداروں نے تھانہ قلعہ گجر سنگھ میں گزشتہ روز درخواستیں دیں، مگر تاحال مقدمات درج نہ ہوسکے۔

یہ بھی پڑھیں: 24 نومبر کو احتجاج میں شرکت نہ کرنے والے رہنما خود کو پارٹی سے علیحدہ سمجھیں، عمران خان

پولیس کی تحقیقات

پولیس کا کہنا ہے کہ موصول ہونے والی تمام درخواستوں کی تحقیقات جاری ہیں۔ دکانداروں کا دعویٰ ہے کہ فراڈ کی کل مالیت 15 کروڑ روپے سے زائد ہے۔ ملزمان نے سولر پینل کے سامان اور ایڈوانس رقم کی مد میں فراڈ کیا۔ ملزمان صغیر احمد اور صدام نے چند ماہ قبل ہال روڈ پر سولر پینلز کی دوکان کھولی تھی، اور 2 روز قبل دوکان بند کر کے فرار ہوگئے۔

متاثرہ دکانداروں کی شکایات

متاثرہ دکانداروں کا کہنا ہے کہ ملزمان اس دوران دیگر دکانداروں سے لین دین کرتے رہے۔ عمیریوسف، معظم وڑائچ، دانیال شیخ سمیت دیگر دکانداروں کے ساتھ بھی فراڈ ہوا۔