وفاقی حکومت کسی کے اشاروں پر فیصلے کرتی ہے، سہیل آفریدی

سہیل آفریدی کا بیان

کراچی(ڈیلی پاکستان آن لائن) وزیراعلیٰ خیبر پختونخوا سہیل آفریدی نے کہا ہے کہ وفاقی حکومت کسی کے اشاروں پر فیصلے کرتی ہے۔ حیدر آباد میں میڈیا سے گفتگو کرتے ہوئے سہیل آفریدی نے کہا کہ وفاق سے خیبر پختونخوا کو حقوق نہیں مل رہے، صوبے کے عوام کے ساتھ امتیازی سلوک ہو رہا ہے۔

یہ بھی پڑھیں: پشاور زلمی کا پاکستانی پائلٹس کو خراجِ تحسین، بڑے انعام کا اعلان

وزیراعلیٰ کی شکایات

سہیل آفریدی نے کہا کہ ہمارے مینڈیٹ پر ڈاکا ڈالا گیا، وفاق میں ہماری حکومت تھی، وفاقی حکومت کسی کے اشاروں پر فیصلے کرتی ہے۔ انہوں نے مزید کہا کہ قبائلی اضلاع سے پہلی مرتبہ وزیراعلیٰ آیا ہے جبکہ دیگر صوبوں کے وزیراعلیٰ کے لیے جہاز کھڑے رہتے ہیں۔

صوبے کے ساتھ امتیازی سلوک

اُن کا کہنا تھا کہ دیگر وزیراعلیٰ کی تعریفوں کے پل باندھے جاتے ہیں، اور یہ اختلاف میری ذات کے ساتھ نہیں بلکہ صوبے کے ساتھ ہے۔ وزیراعلیٰ خیبر پختونخوا نے یہ بھی کہا کہ نیشنل فنانس کمیشن (این ایف سی) کا شیئر چاروں صوبوں میں تقسیم نہیں ہو رہا، قبائلی اضلاع کو مالی نہیں بلکہ صرف انتظامی شیئر میں شامل کیا گیا ہے۔