بنگلادیشی گلوکار تحسن خان اور اہلیہ روزا احمد کے درمیان علیحدگی ہو گئی

تحسن خان اور روزا احمد کی علیحدگی

ڈھاکہ (ڈیلی پاکستان آن لائن) بنگلہ دیش کے معروف گلوکار و اداکار تحسن خان اور میک اپ آرٹسٹ روزا احمد کی شادی ایک سال بھی برقرار نہ رہ سکی اور دونوں کے درمیان علیحدگی ہو گئی ہے۔

یہ بھی پڑھیں: گورنر سندھ نہال ہاشمی کامران ٹیسوری کی والدہ کی عیادت کرنے پہنچ گئے

بحران اور علیحدگی

بنگلادیشی میڈیا کے مطابق تحسن خان اور روزا احمد کی شادی گزشتہ چند ماہ سے بحران کا شکار تھی، جبکہ دونوں کافی عرصے سے علیحدہ رہ رہے تھے۔ رپورٹس میں بتایا گیا ہے کہ دونوں کے درمیان تعلقات ختم ہونے کے قریب تھے۔

یہ بھی پڑھیں: ایران میں امریکی لڑاکا طیارہ مار گرایا گیا، عملے کی تلاش جاری، امریکی حکام

تحسن خان کی وضاحت

تحسن خان نے علیحدگی کی تصدیق کرتے ہوئے کہا ہے کہ وہ اور روزا جولائی کے اختتام سے الگ رہ رہے ہیں۔ ان کا کہنا تھا کہ وہ اپنی ذاتی زندگی پر بات نہیں کرنا چاہتے تھے، تاہم شادی کی سالگرہ سے متعلق گردش کرنے والی غلط خبروں کے باعث وضاحت دینا ضروری ہو گیا۔

یہ بھی پڑھیں: غیرقانونی مقیم افغان لوگوں کی اطلاع دینے والوں کو نقد انعام دیا جائے گا: عظمیٰ بخاری

شادی کی تفصیلات

یاد رہے کہ تحسن خان نے 4 جنوری 2025 کو بغیر کسی پیشگی اعلان کے میک اپ آرٹسٹ روزا احمد سے شادی کی تھی، جنہیں وہ صرف چار ماہ سے جانتے تھے۔ رپورٹس کے مطابق روزا احمد ایک تجربہ کار میک اپ آرٹسٹ ہیں اور نیویارک میں اپنا سٹوڈیو بھی چلاتی ہیں۔

علیحدگی کی وجوہات

تاحال دونوں کے درمیان علیحدگی کی وجوہات سامنے نہیں آ سکیں، جبکہ تحسن خان کا کہنا ہے کہ وہ مناسب وقت پر اس حوالے سے مزید تفصیلات شیئر کریں گے۔