پنجاب میں 16 جنوری تک شدید سردی کی پیشگوئی، لاہور میں درجہ حرارت 3ریکارڈ

شديد سردی کی پیش گوئی

لاہور (ڈیلی پاکستان آن لائن) پنجاب میں 16 جنوری تک شدید سردی کی پیش گوئی کی گئی ہے۔ آج صبح لاہور میں کم سے کم درجہ حرارت 3 ڈگری سینٹی گریڈ ریکارڈ کیا گیا۔

یہ بھی پڑھیں: کمرشل امپورٹرز ایف بی آر کے نئے ٹیکس قوانین پر سراپا احتجاج، بڑھتے کمپلائنس پر تشویش کا اظہار

برفباری کی توقعات

ایکسپریس نیوز کے مطابق پی ڈی ایم اے پنجاب کا کہنا ہے کہ راولپنڈی، مری، گلیات، اور پوٹھوہار ریجن میں شدید سردی کے ساتھ برفباری کے امکانات ہیں۔

یہ بھی پڑھیں: فاسٹ ٹریک کیٹیگری میں بیک لاگ مکمل ختم ہوگیا: ڈی جی پاسپورٹ

حکم نامہ اور ہدایات

ٹورازم ڈپارٹمنٹ، ایجوکیشن، ہیلتھ، زراعت، لوکل گورنمنٹ، فاریسٹ، سی اینڈ ڈبلیو، ٹرانسپورٹ، ریسکیو 1122، نیشنل ہائی وے اور پولیس ڈیپارٹمنٹ کو مراسلہ جاری کر دیا گیا ہے۔

یہ بھی پڑھیں: ٹرن آؤٹ انتہائی کم، سرکاری مشینری کا استعمال کیا گیا، عوام نے ضمنی الیکشن کا بائیکاٹ کیا : عالیہ حمزہ

تعلیمی ادارے اور احتیاطی تدابیر

ڈی جی عرفان علی کاٹھیا کے مطابق دھند و اسموگ کی صورتحال میں بھی اضافہ متوقع ہے۔ یونیورسٹیز، کالجز اور دیگر تعلیمی ادارے طلباء و طالبات کو سردی کے حوالے سے مناسب لباس کی ہدایات جاری کریں، اور کلاس رومز میں سردی سے بچاؤ کے لیے مناسب اقدامات کریں۔

یہ بھی پڑھیں: برطانیہ کے اولمپک کھلاڑی نے اخراجات پورے کرنے کے لیے فحش ویب سائٹ پر مواد ڈالنا شروع کردیا، ہنگامہ برپا ہوگیا

صحت کی سہولیات

ڈی جی پی ڈی ایم اے پنجاب کے مطابق تمام اسپتال بالخصوص بنیادی ہیلتھ یونٹس، ادویات اور عملے کی دستیابی کو یقینی بنائیں۔ عوام الناس سے درخواست ہے کہ سردی کی شدت سے خود کو محفوظ رکھیں، ماسک کا استعمال کریں اور غیر ضروری باہر نہ نکلیں۔

یہ بھی پڑھیں: شادی کا جنون چنیوٹ کے بزرگ کو کچے کے علاقے میں لے گیا

سفر کے حوالے سے ہدایت

عرفان علی کاٹھیا کے مطابق پی ڈی ایم اے کنٹرول روم میں صورتحال کی مانیٹرنگ 24/7 جاری ہے۔ شہری خراب موسم کی صورتحال میں غیر ضروری سفر سے گریز کریں۔ سیاح احتیاطی تدابیر اختیار کریں اور ہدایات پر عمل کریں۔

یہ بھی پڑھیں: خیبر پختونخوا میں افغان مہاجرین کے کیمپ اب تک قائم ہیں: وزیر داخلہ محسن نقوی

فسیلیٹیشن سنٹرز کا قیام

ڈی جی پی ڈی ایم اے کے مطابق سیاحوں کی سہولیات کے لیے مری میں مختلف مقامات پر فسیلیٹیشن سنٹرز قائم ہیں۔ سفر کے دوران تیز رفتاری اور اچانک بریک لگانے سے اجتناب کریں، جبکہ فوگ لائٹس کا استعمال کریں۔ ہنگامی صورتحال میں پی ڈی ایم اے کی ہیلپ لائن 1129 پر کال کر سکتے ہیں۔

یہ بھی پڑھیں: فنکارہ کے خلاف جھوٹی خبریں پھیلانے پر ٹک ٹاکر کو دو سال قید

موسمی حالات

محکمہ موسمیات کے مطابق لاہور سمیت پنجاب بھر میں بدستور دھند اور بادلوں کا راج ہے۔ بادلوں کے باعث سورج کی کرنیں زمین پر پہنچنے سے قاصر ہیں، اور سردی کی شدت میں اضافہ ہوگیا ہے۔

متوقع درجہ حرارت

لاہور میں کم سے کم درجہ حرارت 3 ڈگری جبکہ زیادہ سے زیادہ 13 ڈگری سینٹی گریڈ تک جانے کا امکان ہے۔ آئندہ دو سے تین دن تک بارش کا کوئی امکان نہیں، موسم خشک اور سرد رہے گا۔