انڈر 16 چیمپئن شپ، ایس اے اکیڈمی نے جیت لی، ضیاء ڈوگر نے انعامات تقسیم کیے

لاہور کی پہلی انڈر 16 ڈسٹرکٹ فٹ بال چیمپئن شپ

لاہور (سپورٹس رپورٹر) ڈسٹرکٹ فٹ بال ایسوسی ایشن لاہور کے زیرِ اہتمام لاہور کی پہلی انڈر 16 ڈسٹرکٹ فٹ بال چیمپئن شپ کا انعقاد ہوا جس میں ایس اے اکیڈمی نے شاندار کامیابی حاصل کی۔

یہ بھی پڑھیں: اسلام آباد ہائیکورٹ کے جسٹس طارق محمود جہانگیری کو جوڈیشل ورک سے روک دیا گیا

فائنل میچ کا خلاصہ

فائنل میں ایس اے اکیڈمی نے فیم اکیڈمی کو ایک کے مقابلے دو گول سے شکست دی۔ فاتح ٹیم کے لیے دونوں گول شفقت نے سکور کیے۔

یہ بھی پڑھیں: سموگ میں نمایاں کمی، فضائی آلودگی کے اعتبار سے لاہور کا پاکستان میں تیسرا نمبر،دنیا میں نویں نمبر پر آگیا

تیسری پوزیشن کا میچ

ٹورنامنٹ میں تیسری پوزیشن کے میچ میں ٹی ڈبلیو کے اکیڈمی نے گورنر ہاؤس فٹ بال اکیڈمی کو چار صفر سے شکست دی۔

یہ بھی پڑھیں: بشریٰ انصاری کو زارا نور عباس کے ڈانس کی تعریف کرنے پر شدید تنقید کا سامنا

خصوصی ایوارڈز

ٹورنامنٹ کے بہترین کھلاڑی کا اعزاز ایس اے اکیڈمی کے عثمان علی خان کو حاصل ہوا جبکہ بہترین گول کیپر کا اعزاز حماد نے حاصل کیا۔

فائنل میچ کی تقریب

فائنل میچ کے مہمان خصوصی صدر ڈسٹرکٹ فٹ بال ایسوسی ایشن ضیاء عارف ڈوگر نے کھلاڑیوں میں انعامات تقسیم کیے۔ اس میچ کے موقع پر شائقین کی بڑی تعداد بھی موجود تھی جو کہ میچ سے لطف اندوز ہوئی۔