صدرِ مملکت نے اسلام آباد مقامی حکومت آرڈیننس جاری کردیا
صدرِ مملکت کی جانب سے آرڈیننس کا اجراء
اسلام آباد(ڈیلی پاکستان آن لائن) صدرِ مملکت آصف علی زرداری نے اسلام آباد مقامی حکومت آرڈیننس جاری کر دیا ہے۔
یہ بھی پڑھیں: بجلی کی تقسیم کار کمپنیوں کی غفلت سے 30 افراد جاں بحق، نیپرا نے 5 کروڑ 75 لاکھ روپے جرمانہ عائد کر دیا
نئے انتظامات کی تفصیلات
آرڈیننس کے مطابق میٹرو پولیٹین کارپوریشن کی جگہ ٹاؤن کارپوریشن یا ٹاؤن کارپوریشنز ہوں گی۔ سربراہ کا مطلب ٹاؤن کارپوریشن کا میئر یا یونین کونسل کا چئیرمین ہوگا۔
یہ بھی پڑھیں: جاوید اختر اوڈھو نئے آئی جی سندھ تعینات، نوٹیفکیشن جاری
مقامی حکومت کا ڈھانچہ
مقامی حکومت کا مطلب یونین کونسل اور ٹاؤن کارپوریشن ہوگا، جس میں حکومت کا مقرر کردہ ایڈمنسٹریٹر ہوگا۔ اسلام آباد میں تین ٹاؤن کارپوریشن ہوں گی۔
یہ بھی پڑھیں: لاہور میں دل دہلا دینے والا واقعہ، 2 سگی بہنوں سے 5 افراد کی مبینہ اجتماعی زیادتی
ٹاؤن کارپوریشنوں کی تقسیم
آرڈیننس میں کہا گیا ہے کہ اسلام آباد کو قومی اسمبلی کے حلقوں کی حدود کے مطابق تین ٹاؤن کارپوریشنز میں تقسیم کیا گیا، ہر ٹاؤن کونسل میں اتنی یونین کونسل ہوں گی جتنی حکومت نوٹیفائی کرے۔
یہ بھی پڑھیں: لاہور پولیس کے 27 اہلکار وزیراعظم کی آمد پر وی وی آئی پی سیکیورٹی ڈیوٹی سے غائب، معطل کردیے گئے۔
حکومتی اختیارات اور انتخابات
حکومت عوامی اعتراضات اور سفارشات کے بعد ٹاؤن کارپوریشن اور یونین کونسل کی حدود میں ترمیم کرے گی، لیکن الیکشن شیڈول کے اعلان کے بعد نہیں۔
یہ بھی پڑھیں: لاہور: 30 لاکھ روپے تاوان کیلئے نوجوان کو اغوا کرنے والے پولیس اہلکاروں پر مقدمہ
یونین کونسلز کی تشکیل
صدرِ مملکت کی جانب سے جاری آرڈیننس کے مطابق حکومت وزارت داخلہ کی سفارش پر ٹاؤن کارپوریشن کے اندر یونین کونسلز کی تعداد میں اضافہ یا کمی کر سکتی ہے، الیکشن کمیشن یونین کونسلز کی حلقہ بندی کرے گا۔
ہر ٹاؤن کارپوریشن میں ایک میئر اور دو ڈپٹی میئر ہوں گے، اور ہر ٹاؤن کارپوریشن میں یونین کونسل کے چیئرمین بطور جنرل ممبران ہوں گے۔
یہ بھی پڑھیں: گرین لینڈ کا معاملہ، ٹرمپ نے یورپی ممالک پر ٹیرف عائد کردیا
سلیکشن کا عمل
ہر ٹاؤن کارپوریشن میں 4 خواتین، ایک کسان یا ورکز، اور ایک تاجر یا بزنس مین ہو گا، اور ہر ٹاؤن کارپوریشن میں ایک نوجوان رکن اور ایک غیر مسلم شامل ہوگا۔
یونین کونسل کے جنرل ممبر کا انتخاب خفیہ رائے شماری کے ذریعے ہو گا، اور سب سے زیادہ ووٹ حاصل کرنے والے 9 امیدوار جنرل ممبران منتخب ہوں گے۔
یہ بھی پڑھیں: جوہڑ میں نہاتے ہوئے 4 بچے ڈوب گئے
سیاسی جماعتوں میں شمولیت
کامیاب امیدوار 30 دن کے اندر کسی بھی سیاسی جماعت میں شمولیت کرسکتے ہیں۔ جنرل ممبران یونین کونسل کی مخصوص نشستوں پر ممبران شو آف ہینڈ کے ذریعے منتخب کریں گے۔
یہ بھی پڑھیں: وادی لیپہ سیکٹر میں پاک، بھارت افواج کے درمیان چھوٹے ہتھیاروں سے فائرنگ کا تبادلہ، پاک فوج کی موثر جوابی کارروائی کے بعد بھارتی گنیں خاموش ہو گئیں
چیئرمین اور وائس چیئرمین کا انتخاب
یونین کونسل کے جنرل ممبران اور مخصوص نشستوں کے ممبران شو آف ہینڈ کے ذریعے مشترکہ چیئرمین اور وائس چیئرمین منتخب کریں گے
ٹاؤن کارپوریشن کے ووٹنگ کے اصول
ٹاؤن کارپوریشن کے ممبران اکثریتی ووٹ حاصل کرنے والے کو شو آف ہینڈ کے ذریعے مشترکہ میئر اور ڈپٹی میئر کا انتخاب کریں گے۔ ٹاؤن کارپوریشن کا ممبر ہی میئر یا ڈپٹی میئر کا الیکشن لڑسکے گا۔
جہاں مقامی حکومت فعال نہیں، حکومت ایڈمنسٹریٹر تعنیات کرے گی۔
