وفاقی وزیر قانون سے یونیورسٹی آف لندن کے وفد کی ملاقات، قانونی تعلیم میں تعاون بڑھانے پر اتفاق

وفاقی وزیر قانون و انصاف کی ملاقات

اسلام آباد (ڈیلی پاکستان آن لائن) وفاقی وزیر قانون و انصاف سینیٹر اعظم نذیر تارڑ نے یونیورسٹی آف لندن کے پرو وائس چانسلر (تعلیم) پروفیسر فلپ آل مینڈنگر کی قیادت میں وفد سے ملاقات کی۔

یہ بھی پڑھیں: چینی صدر کی اہلیہ کی ایس سی او سربراہی اجلاس میں شریک غیر ملکی رہنماؤں کی بیگمات کے ساتھ تیانجن کی سیر

قانونی تعلیم میں باہمی تعاون

ملاقات میں قانونی تعلیم کے شعبے میں باہمی تعاون کو فروغ دینے پر تفصیلی تبادلۂ خیال ہوا۔ وزارت قانون و انصاف کے ترجمان کے مطابق، اس ملاقات میں یونیورسٹی آف لندن کے علاقائی مشیر سعد وسیم اور ڈائریکٹوریٹ آف لیگل ایجوکیشن کے ڈائریکٹر بیرسٹر اسامہ ملک بھی موجود تھے۔ گفتگو کا محور بین الاقوامی تعلیمی اداروں اور مقامی یونیورسٹیوں کے درمیان مشترکہ اور شراکت داری پر مبنی تعلیمی پروگراموں کے ذریعے تعاون کو مضبوط بنانا تھا۔

یہ بھی پڑھیں: 7 مئی کا تاریخی معرکہ: مختلف ممالک کی پاک فضائیہ میں دلچسپی بڑھ گئی

تعلیمی اشتراک کے فوائد

وفاقی وزیر قانون سینیٹر اعظم نذیر تارڑ نے اس موقع پر کہا کہ ایسے تعلیمی اشتراک سے نہ صرف قانونی تعلیم کے معیار میں بہتری آئے گی بلکہ پائیدار آمدنی کے مواقع پیدا ہوں گے اور طلباء کو عالمی سطح پر تسلیم شدہ ڈگریوں تک بہتر رسائی حاصل ہوگی۔

یہ بھی پڑھیں: وقار یونس، شعیب ملک، ثقلین مشتاق، مصباح الحق، سرفراز احمد مینٹورزشپ کے عہدوں سے فارغ

کیمپس اور فاصلاتی تعلیم

انہوں نے کیمپس میں تعلیمی سرگرمیوں کے ساتھ فاصلاتی تعلیم کے امتزاج کو ناگزیر قرار دیا تاکہ طلبہ مقامی قانونی فریم ورک کے اندر مؤثر طور پر پریکٹس کے قابل ہو سکیں۔

فیکلٹی ڈویلپمنٹ اور شراکت داری

ملاقات میں فیکلٹی ڈویلپمنٹ اور صلاحیت سازی، فیکلٹی ایکسچینج اور تربیتی پروگرامز سمیت دیگر امور پر بھی گفتگو ہوئی۔ پروفیسر فلپ آل مینڈنگر نے تعمیری بات چیت پر شکریہ ادا کیا، جبکہ وفاقی وزیر قانون نے بامعنی اور طویل المدتی تعلیمی شراکت داری کے فروغ کے لیے پاکستان کی بھرپور حمایت اور تعاون کی یقین دہانی کرائی۔