ملک بھر میں آٹا مزید 10 سے 15 روپے مہنگا ہو گیا، شہری پریشان

آٹے کی قیمتوں میں اضافہ

لاہور (ڈیلی پاکستان آن لائن) آٹے کی قیمتوں میں مزید اضافہ ہوگیا، جس سے مہنگائی کے ستائے عوام کی پریشانی بڑھ گئی۔

یہ بھی پڑھیں: سندھی لوگ چاہتے ہیں کہ کاش ان کے پاس بھی مریم نواز جیسی وزیراعلیٰ ہوتی، عظمی بخاری

اسلام آباد اور لاہور میں قیمتیں

ہم نیوز کے مطابق اسلام آباد میں آٹے کی قیمت میں 10 روپے فی کلو اضافہ ہوا۔ لاہور میں 15 کلو آٹے کا تھیلا 50 روپے مہنگا ہو گیا، جس کے بعد اس کی نئی قیمت 1800 روپے ہوگئی۔

یہ بھی پڑھیں: حملے میں کون ملوث تھا؟ کھیئل داس کوہستانی کا بیان سامنے آگیا

پشاور اور مردان کی صورتحال

پشاور میں مکس آٹے کا 20 کلو تھیلا 2900 روپے میں فروخت ہو رہا ہے، جبکہ 20 کلو فائن آٹا تین ہزار روپے کی قیمت تک پہنچ گیا ہے۔ مردان میں بھی 20 کلو آٹے کی قیمت تین ہزار سے تجاوز کر گئی۔

کوئٹہ میں آٹے کی قیمتوں کا اضافہ

علاوہ ازیں، کوئٹہ میں 50 کلو آٹے کا تھیلا مزید ایک ہزار روپے مہنگا ہوگیا، جس کے نتیجے میں ایک ماہ میں 50 کلو آٹے کے تھیلے کی قیمت میں 2 ہزار روپے کا اضافہ ہوا۔ ڈیلرز کے مطابق گندم بحران کے باعث آٹے کی قیمتوں میں مسلسل اضافہ ہو رہا ہے。