ارچنا پورن سنگھ میں نایاب اعصابی بیماری کی تشخیص: مرض سے متعلق ڈاکٹروں کا حیران کن انکشاف

بالی ووڈ اداکارہ کا نایاب طبی مرض

ممبئی(ڈیلی پاکستان آن لائن) بالی ووڈ اداکارہ ارچنا پورن سنگھ میں نایاب طبی مرض کمپلیکس ریجنل پین سنڈروم (CRPS) کی تشخیص ہوئی ہے۔ یہ بیماری مریض کو شدید اور طویل عرصے تک اعصابی درد میں مبتلا رکھتی ہے۔

یہ بھی پڑھیں: آئی سی سی نے ٹی ٹوئنٹی رینکنگ جاری کردی، ابرار احمد 12درجے بہتری کے بعد 4نمبر پر آگئے

بیٹے کا انکشاف

ارچنا پورن سنگھ کی خراب صحت سے متعلق انکشاف ان کے بیٹے آیوشمن سیٹھی نے انسٹاگرام پر ایک ویڈیو کے ذریعے کیا ہے۔

آیوشمن کے مطابق ان کی والدہ کو یہ بیماری 2025ء میں فلم 'وکی ودیا کا وہ والا ویڈیو' کی شوٹنگ کے دوران کلائی میں چوٹ لگنے کے بعد لاحق ہوئی۔ اس بیماری کے نتیجے میں ارچنا سنگھ کا ہاتھ مستقل طور پر متاثر ہو گیا ہے۔

آیوشمن کا کہنا ہے کہ شدید درد کے باوجود ان کی والدہ نے فلموں اور ویب سیریز میں کام جاری رکھا اور 60 برس کی عمر میں اپنا یوٹیوب چینل بھی شروع کیا۔

یہ بھی پڑھیں: بھارتی مندر میں آگ پر چلنے کی رسم، لوگوں کا شدید رش، ڈھلوان سے ایک دوسرے کے اوپر گرنے لگے، بڑی تعداد میں ہلاکتیں

سی آر پی ایس کیا ہے؟

ماہرین کے مطابق CRPS ایک دائمی اعصابی درد کی بیماری ہے جس میں چوٹ کے بعد درد معمول سے زیادہ شدید اور دیرپا محسوس ہوتا ہے، حتیٰ کہ زخم ٹھیک ہونے کے بعد بھی یہ درد برقرار رہتا ہے۔

ڈاکٹرز نے وضاحت کی ہے کہ اس مرض میں اعصابی نظام درد کے سگنلز کو موثر طریقے سے کنٹرول نہیں کر پاتا، جس کی وجہ سے دماغ اور ریڑھ کی ہڈی مسلسل درد کے پیغامات بھیجتے رہتے ہیں۔

یہ بھی پڑھیں: بلوچستان میں حالیہ مون سون بارش سے کتنا نقصان ہوا؟ پی ڈی ایم اے کی رپورٹ جاری

بیماری کی علامات

ڈاکٹرز کا کہنا ہے کہ CRPS میں درد جلنے یا چبھنے جیسا ہوتا ہے، اور ہلکی سی درد یا درجۂ حرارت میں معمولی تبدیلی بھی شدید تکلیف کا باعث بن سکتی ہے۔ متاثرہ عضو میں سوجن، جلد کے رنگ میں تبدیلی، پسینہ زیادہ آنا، اکڑن، اور کمزوری جیسی علامات بھی ظاہر ہوتی ہیں۔

زندگی بدل دینے والی بیماری

ڈاکٹرز کی رائے میں، ارچنا کو لاحق مرض CRPS جان لیوا نہیں ہے لیکن یہ زندگی بدل دینے والی بیماری ضرور ہے۔ اس بارے میں آگاہی حاصل کرنا بہت ضروری ہے تاکہ مریض بروقت علاج حاصل کر سکیں۔