بہاولپور، لڑکی کی لاش قبر سے نکال کر کھیتوں میں پھینک دی گئی

واقعہ کی تفصیلات

بہاولپور(ڈیلی پاکستان آن لائن) بہاولپور کے علاقے خیرپورٹامیوالی میں لڑکی کی لاش قبر سے نکال کر قریبی کھیتوں میں پھینک دی گئی۔

یہ بھی پڑھیں: اظہر علی پاکستان کرکٹ بورڈ کے یوتھ ڈیولپمنٹ کے سربراہ مقرر

پولیس کی تحقیقات

روزنامہ جنگ کے مطابق پولیس کا کہنا ہے کہ اتوار کی شام لڑکی کی تدفین کی گئی تھی، پیر کی صبح لاش قبر سے غائب تھی۔ تحصیل ہیڈ کوارٹر ہسپتال میں لڑکی کی لاش کا پوسٹ مارٹم کر لیا گیا ہے۔

پولیس کا کہنا ہے کہ پوسٹ مارٹم رپورٹ آنے پر مزید کارروائی کی جائے گی جبکہ واقعے کا مقدمہ درج کر کے ملزمان کی تلاش شروع کردی گئی ہے۔

لڑکی کی موت کی وجوہات

پولیس کا کہنا ہے کہ 16 سالہ لڑکی کی موت مبینہ طور پر کرنٹ لگنے سے ہوئی تھی۔ اہلخانہ سمیت علاقہ مکینوں سے بھی تفتیش شروع کردی گئی ہے۔

پولیس کے مطابق لڑکی کی موت کرنٹ لگنے سے ہوئی یا اسے قتل کیا گیا، یہ بھی تحقیقات جاری ہے۔