بلاول بھٹو کی زیرصدارت پارلیمانی پارٹی کا ورچوئل اجلاس، راجہ پرویز اشرف نے ن لیگ سے اختلافات ختم ہونے کی تصدیق کردی

بلاول بھٹو زرداری کی ورچوئل صدارت

اسلام آباد (ڈیلی پاکستان آن لائن) چیئرمین پیپلز پارٹی بلاول بھٹو زرداری نے پالیمانی پارٹی کے اجلاس کی ورچوئل صدارت کی جس میں صدر کی منظوری کے بغیر آرڈیننس کے اجراء سے پیدا ہونے والی صورتحال کا جائزہ لیا گیا۔ راجا پرویز اشرف نے ن لیگ سے اختلافات ختم ہونے کی تصدیق کردی۔

یہ بھی پڑھیں: اندھیروں سے آگے، بصارت سے محروم طلبہ کے لیے تعلیم میں انقلاب کی کہانی

اجلاس میں شریک اراکین

پیپلز پارٹی کے پارلیمانی پارٹی کے اجلاس میں نوید قمر، اعجاز جاکھرانی، شہلا رضا، عبدالقادر پٹیل، آغا رفیع اللہ، ناز بلوچ، نوابزادہ افتخار، پرویز اشرف، شازیہ مری، قاسم گیلانی اجلاس میں شریک ہوئے۔

یہ بھی پڑھیں: 8 ماہ کی حاملہ خاتون نے چیٹ جی پی ٹی سے تفریح کی غرض سے سوال پوچھا لیکن جواب نے اس کی اور بچے کی زندگی بچا لی

آرڈیننس کے اجراء پر مشاورت

سما ٹی وی کے مطابق ذرائع کا کہنا ہے اجلاس میں صدر کی منظوری کے بغیر آرڈیننس کے اجراء پر مشاورت کی گئی جبکہ اراکین نے ترقیاتی منصوبوں کے فنڈز سے متعلق شکایات کیں۔ راجا پرویز اشرف نے پاکستان پیپلز پارٹی اور ن لیگ کے اختلاف ختم ہونے کی تصدیق کی۔

پیپلز پارٹی کا موقف

راجا پرویز اشرف نے کہا کہ پیپلز پارٹی کی پارلیمانی پارٹی یکسوئی کے ساتھ سسٹم کے ساتھ کھڑی ہے، پی ٹی آئی کا سیاسی مستقبل انہیں سے پوچھیں وہی بتا سکتے ہیں، اتحادی ہیں اتحادی رہیں گے۔ مجھے سسٹم میں تبدیلی نظر نہیں آرہی۔ حکومت نے آرڈیننس پر ہمارے واک آؤٹ کا نوٹس لیا، جو اچھی بات ہے۔ حکمران اتحاد میں مکمل یکجہتی کی فضا ہے۔ پیپلز پارٹی کا حکومتی اتحاد میں رہنا پاکستان کے مفاد میں ہے، پی ٹی آئی سمیت تمام سیاسی جماعتوں کو ملکی مفاد میں فیصلہ کرنے چاہئیں۔