صوابی میں سردیوں میں جس بے رحمی کے ساتھ لوڈشیڈنگ کی جا رہی ہے، وہ ناقابلِ برداشت ہے، شہرام خان ترکئی

لوڈشیڈنگ میں بےرحمیاں

اسلام آباد (ڈیلی پاکستان آن لائن) پاکستان تحریک انصاف کے رکن قومی اسمبلی شہرام خان ترکئی کا کہنا ہے کہ صوابی میں سردیوں میں جس بے رحمی کے ساتھ لوڈشیڈنگ کی جا رہی ہے، وہ ناقابلِ برداشت ہے۔ درجہ حرارت صفر اور منفی میں ہے مگر بجلی آدھا گھنٹہ بھی میسر نہیں۔

یہ بھی پڑھیں: پاکستانی ماڈل کی ’بکنی‘ میں ریمپ واک، نیا تنازعہ کھڑا ہوگیا

بدترین صورتحا ل

قومی اسمبلی میں اظہار خیال کرتے ہوئے انہوں نے کہا کہ ہر 20، 25 منٹ بعد دو دو، تین تین گھنٹے بجلی غائب ہو جاتی ہے۔ پنجاب میں ایک گھنٹے کی لوڈشیڈنگ نہیں جبکہ صوابی جس کے سینے پر تربیلا ڈیم واقع ہے، وہاں سردیوں میں اٹھارہ اٹھارہ گھنٹے لوڈشیڈنگ ہو رہی ہے۔ یہ سراسر ناانصافی ہے۔

یہ بھی پڑھیں: پاکستان اوورسیز کمیونٹی گلوبل ٹیم کی قونصل جنرل آف پاکستان کے قونصل جنرل سے ملاقات، مختلف امور پر تبادلہ خیال

بھیانک بلنگ

بجلی تو ہے ہی نہیں، مگر بل آسمان کو چھو رہے ہیں۔ ایک بلب اور ایک پنکھے والے گھروں میں بھی ہزاروں نہیں بلکہ بیس سے پچاس ہزار تک کے بل آ رہے ہیں۔ ہم اس ناروا اور ظالمانہ لوڈشیڈنگ کی سخت الفاظ میں مذمت کرتے ہیں اور حکومتِ وقت سے مطالبہ کرتے ہیں کہ صوابی اور خیبر پختونخوا کے عوام پر رحم کیا جائے۔

شہرام خان ترکئی کا ٹویٹ

صوابی میں سردیوں میں جس بے رحمی کے ساتھ لوڈشیڈنگ کی جا رہی ہے، وہ ناقابلِ برداشت ہے۔ درجہ حرارت صفر اور منفی میں ہے مگر بجلی آدھا گھنٹہ بھی میسر نہیں۔ ہر 20، 25 منٹ بعد دو دو، تین تین گھنٹے بجلی غائب ہو جاتی ہے۔ پنجاب میں ایک گھنٹے کی لوڈشیڈنگ نہیں جبکہ صوابی جس کے سینے پر تربیلا… pic.twitter.com/leVgK781lH

— Shahram Khan Tarakai (@ShahramKTarakai) January 13, 2026