سعودی کابینہ کا صومالیہ کی خودمختاری، اتحاد اور علاقائی سالمیت کی بھرپور حمایت کا اعادہ
سعودی کابینہ کا صومالیہ کی حمایت کا اعادہ
ریاض (ڈیلی پاکستان آن لائن) سعودی کابینہ نے منگل کے روز صومالیہ کی خودمختاری، اتحاد اور علاقائی سالمیت کی بھرپور حمایت کا اعادہ کرتے ہوئے ان عناصر کی کسی بھی قسم کی سبوتاژ کوشش کو مسترد کر دیا۔
یہ بھی پڑھیں: انجینئر محمد علی مرزا اس سے پہلے 2020 میں بھی گرفتار ہوئے تھے، وجہ کیا تھی؟
اسلامی تعاون تنظیم کی غیرمعمولی اجلاس کی توثیق
سعودی پریس ایجنسی (ایس پی اے) کے مطابق کابینہ نے صومالیہ کی موجودہ صورتِ حال پر جدہ میں منعقد ہونے والے اسلامی تعاون تنظیم (او آئی سی) کے وزرائے خارجہ کونسل کے غیرمعمولی اجلاس کے نتائج کی بھی توثیق کی۔
یہ بھی پڑھیں: اس وقت کوئی مذاکرات کہیں بھی نہیں ہو رہے، بیرسٹر گوہرعلی خان
اجلاس کی تفصیلات
یہ اجلاس دارالحکومت ریاض میں خادم الحرمین الشریفین شاہ سلمان بن عبدالعزیز کی صدارت میں منعقد ہوا، جس میں خطے کی مجموعی صورتِ حال اور دیگر اہم امور کا تفصیلی جائزہ لیا گیا۔
یہ بھی پڑھیں: ٹری سریز، پاکستان اور افغانستان کے درمیان میچ کا ٹاس ہو گیا
اجلاس کے فیصلے
اجلاس کے بعد وزیراطلاعات سلمان الدوسری نے ایس پی اے کو بتایا کہ کابینہ نے او آئی سی کے غیرمعمولی اجلاس کے فیصلوں کی حمایت کی اور صومالیہ کے اتحاد، علاقائی سالمیت اور قومی خودمختاری کو نقصان پہنچانے کے لیے کسی بھی متوازی ڈھانچے کے قیام کی کوشش کو ناقابلِ قبول قرار دیا۔
یہ بھی پڑھیں: الیکشن کمیشن نے عمران خان اور نواز شریف کو طلب کرلیا
سعودی عرب کے بین الاقوامی رابطے
کابینہ نے سعودی عرب اور مختلف ممالک کے درمیان ہونے والی اعلیٰ سطح کی مشاورت اور رابطوں کا بھی جائزہ لیا، جن میں علاقائی حالات اور امن کے قیام کے لیے جاری سفارتی کوششیں زیرِ بحث آئیں۔
یہ بھی پڑھیں: امریکا اور اسرائیل کے ایران پر حملے خطے میں خطرناک کشیدگی کا باعث بن رہے ہیں، روسی مندوب برائے اقوام متحدہ
غزہ کی حمایت و مشترکہ مشقیں
اجلاس میں غزہ میں فوری جنگ بندی کے لیے مملکت کی غیرمتزلزل حمایت کا اعادہ کیا گیا، جبکہ سعودی عرب کی میزبانی میں ہونے والی مشترکہ فوجی مشق ’’گلف شیلڈ 2026‘‘ کے کامیاب انعقاد کو سراہا گیا۔
یہ بھی پڑھیں: یہ تو نہیں ہوا، مگر جو ریپ ہو رہے ہیں، ان کا کیا؟
اقتصادی اجلاسوں کا جائزہ
کابینہ نے سعودی عرب میں منعقد ہونے والے متعدد اعلیٰ سطحی اقتصادی اجلاسوں کا بھی جائزہ لیا، جن میں سعودی-جاپانی وزارتی سرمایہ کاری فورم اور سعودی-کینیڈین بزنس اینڈ انویسٹمنٹ فورم نمایاں رہے۔
سیاسی مشاورت کے معاہدے
اجلاس کے دوران سعودی وزارتِ خارجہ اور کینیڈا کی وزارتِ خارجہ کے درمیان سیاسی مشاورت سے متعلق مفاہمتی یادداشت کے مسودے کی منظوری دی گئی، جبکہ مختلف ممالک کے ساتھ دیگر معاہدوں اور مفاہمتی یادداشتوں کے مسودوں کی بھی توثیق کی گئی۔
