اقتصادی رابطہ کمیٹی نے دفاعی منصوبوں کے لیے 5 ارب 8 کروڑ روپے کی تکنیکی ضمنی گرانٹ منظور کرلی

ای سی سی کی نئی گرانٹس کی منظوری

اسلام آباد(ڈیلی پاکستان آن لائن) اقتصادی رابطہ کمیٹی (ای سی سی) نے دفاعی منصوبوں کے لیے 5 ارب 8 کروڑ روپے کی تکنیکی ضمنی گرانٹ منظور کرلی۔ وزارت خزانہ کی جانب سے جاری کردہ اعلامیے کے مطابق، وزیر خزانہ محمد اورنگزیب کی زیر صدارت ای سی سی کے اجلاس میں یہ گرانٹ منظور کی گئی۔

یہ بھی پڑھیں: سعودی عرب کا 2025 کے لیے پاکستان سمیت بین الاقوامی طلبہ کو مکمل فنڈڈ اسکالرشپس دینے کا اعلان

مختلف منصوبوں کے لیے فنڈز کی تفصیلات

پنجاب میں ایس ڈی جی پروگرام کے لیے 2 ارب روپے اور اسلام آباد میں آٹزم سینٹر کی خصوصی بچوں کی ٹرانسپورٹ کے لیے 32 کروڑ روپے کی گرانٹ منظور کی گئی۔ علاوہ ازیں، آسان خدمت مرکز اسلام آباد کے قیام کے لیے 80 کروڑ اور ڈیجیٹل کنیکٹیوٹی و آئی ٹی منصوبوں کے لیے 3 ارب 70 کروڑ روپے کی گرانٹ بھی منظور کی گئی۔ ایف بی آر کے ڈیجیٹل انفورسمنٹ اسٹیشنز کے لیے 3 ارب روپے جاری کرنے کی منظوری بھی دی گئی۔

کمیٹیاں اور فنڈز

ایشیا پیٹرولیم لمیٹڈ کی پائپ لائن پر مستقبل کے لائحہ عمل کے لیے کمیٹی قائم کر دی گئی ہے۔ جبکہ فلم و ڈرامہ فنانس فنڈ کے لیے 70 کروڑ روپے کی منظوری دی گئی۔ یہ رقم فلم اور ڈرامہ صنعت کے فروغ کے لیے فنڈز کی شفافیت کو یقینی بنانے کے لیے مختص کی گئی ہے۔