پیپلزپارٹی کے عبید اللہ گورگیج بلوچستان اسمبلی کی رکنیت سے ہاتھ دھو بیٹھے

پیپلز پارٹی کے عبید اللہ گورگیج کی رکنیت کا خاتمہ

کوئٹہ (ڈیلی پاکستان آن لائن) پیپلز پارٹی کے عبید اللہ گورگیج بلوچستان اسمبلی کی رکنیت سے ہاتھ دھو بیٹھے۔

یہ بھی پڑھیں: اسپیکر قومی اسمبلی نے جوڈیشل کمیشن رکن کیلئے بیرسٹر گوہر کا نام سپریم کورٹ کو بھجوادیا

الیکشن ٹربیونل کا فیصلہ

بلوچستان ہائی کورٹ کے الیکشن ٹربیونل نے صوبائی اسمبلی کے حلقہ پی بی 44 کے 16 پولنگ سٹیشنز پر دوبارہ انتخابات کا حکم دے دیا۔

یہ بھی پڑھیں: اہلیہ سے تعلق کے شک پر ملزم نے گولیاں چلادیں،2افرادقتل

عطا محمد بنگلزئی کی درخواست

الیکشن ٹربیونل کی جانب سے پی بی 44 کا فیصلہ سنائے جانے کے بعد پیپلز پارٹی کے عبید اللہ گورگیج رکن بلوچستان اسمبلی نہیں رہے۔ عبید اللہ گورگیج کی کامیابی کو نیشنل پارٹی کے عطا محمد بنگلزئی نے چیلنج کیا تھا۔

یہ بھی پڑھیں: پاکستان میں سولر صارفین کی تعداد میں بڑا اضافہ

انتخابات کی تفصیلات

واضح رہے کہ 8 فروری 2024 کو ہونے والے عام انتخابات میں پیپلز پارٹی کے عبید اللہ گورگیج 7 ہزار 125 ووٹ لے کر بلوچستان اسمبلی کے رکن منتخب ہوئے تھے۔ جبکہ ان کے مدمقابل نیشنل پارٹی کے عطا محمد بنگلزئی نے 6 ہزار 385 ووٹ حاصل کئے تھے۔

عدالتی کارروائی

بعد ازاں نیشنل پارٹی کے عطا محمد بنگلزئی نے بلوچستان ہائی کورٹ میں آئینی درخواست دائر کرتے ہوئے عبید اللہ گورگیج کی کامیابی کو چیلنج کیا تھا۔ انہوں نے درخواست میں موقف اختیار کیا تھا کہ فارم 45 کے نتائج میں وہ کامیاب قرار پائے تھے، تاہم فارم 47 میں دھاندلی کرکے عبید اللہ گورگیج کو کامیاب قرار دے دیا گیا تھا۔