تحریک تحفظِ آئین پاکستان کا خطے کی بگڑتی صورتحال خصوصاً مشرق وسطی میں بحرانی کیفیت پر پارلیمنٹ کا مشترکہ اجلاس بلانے کا مطالبہ

اجلاس کا مقصد

اسلام آباد (ڈیلی پاکستان آن لائن) سربراہ محمود خان اچکزئی کی زیر صدارت تحریک تحفظ آئین پاکستان کا اجلاس ہوا، جس میں خطے کی بگڑتی ہوئی صورتحال خصوصاً مشرق وسطی میں بحرانی کیفیت پر پارلیمنٹ کا مشترکہ اجلاس بلانے کا مطالبہ کیا گیا۔

یہ بھی پڑھیں: دبئی میں پراپرٹی کی تاریخی خرید و فروخت، 3 ماہ میں 38 ارب ڈالر کے سودے

عالمی حالات کا تجزیہ

اجلاس میں کہا گیا ہے کہ جنگِ عظیم دوم کے بعد کا انٹرنیشنل آرڈر زوال پذیر ہے، جہاں اسرائیلی جارحیت ، فلسطینی مسلمانوں کی نسل کشی اور یونائیٹڈ سٹیٹس کے لاطینی امریکا میں طرزِ عمل نے انٹرنیشنل قوانین کی دھجیاں بکھیر دی ہیں، وہیں اقوام متحدہ کو بھی بے معنی کر دیا ہے۔

یہ بھی پڑھیں: پنجاب: لائیو سٹاک شو میں مویشیوں کا مقابلہ، ساہیوال کے سانڈ اور نوشہرہ ورکاں کی بھینس کا پہلا نمبر

حکومت سے مطالبات

ایسے میں حکومت خارجہ پالیسی اور اُبھرتی بحرانی کیفیت پر پارلیمان کا فوری جوائنٹ سیشن بلائے اور اجتماعی دانش کے ذریعہ ایک قومی پالیسی مرتب دے۔ ہمسایہ برادر اسلامی ملک ایران کے خلاف بھی سامراجی و استعماری قوتیں گھیرا تنگ کر رہی ہیں اور مغربی میڈیا کے توسط سے ایک ایسا ماحول بنایا جا رہا ہے جس کو بنیاد بنا کر ہمسایہ اسلامی ملک ایران کی خودمختاری پر ضرب لگائی جا سکتی ہے۔

یہ بھی پڑھیں: ویڈیو: کالج کا سیکورٹی گارڈ انٹرنیٹ سے ہر ماہ لاکھوں روپے کماتا ہے، انگریزی نہیں آتی پھر بھی انٹرنیٹ سے کیسے کمائی کرتا ہے؟ ان کی کہانی تمام نوجوانوں کا حوصلہ بڑھا دے

عوام کی تشویش

ایسے میں پاکستانی عوام میں شدید تشویش پائی جاتی ہے اور تحریک تحفظ آئین پاکستان یہ تجویز کرتی ہے کہ حکومت اِس ممکنہ بحرانی کیفیت کی سنجیدگی کو پیشِ نظر رکھتے ہوئے اور اُس کے خطہ پر اثرات کے حوالہ سے ہمسایہ ممالک کا اجلاس بلائے تاکہ ایک مشترکہ لائحہ عمل ترتیب دیا جا سکے۔

سماجی میڈیا پر گفتگو

تحریک تحفظ آئین پاکستان کا اہم اجلاس آج اسلام آباد میں محمود خان اچکزئی سربراہ تحریک تحفظ آئین پاکستان کی زیر صدارت منعقد ہوا۔
تحریک تحفظِ آئین پاکستان خطہ کی بگڑتی ہوئی صورتحال خصوصاً مشرق وسطی میں بحرانی کیفیت پر پارلیمان کے جائنٹ سیشن کا مطالبہ کرتی ہے۔
جنگِ عظیم دؤم کے بعد… pic.twitter.com/EIkIsufS1Z

— Asad Qaiser (@AsadQaiserPTI) January 14, 2026