پارلیمنٹ کا مشترکہ اجلاس طلب، اہم قانون سازی متوقع

پارلیمنٹ کا مشترکہ اجلاس

اسلام آباد (ڈیلی پاکستان آن لائن) پارلیمنٹ کا مشترکہ اجلاس 20 جنوری کو طلب کرنے کا فیصلہ کرلیا گیا۔

یہ بھی پڑھیں: میرا جسم میری مرضی کا مطلب فحاشی نہیں بلکہ خود مختاری ہے: میرا سیٹھی

اجلاس کی تفصیلات

سما ٹی وی کے مطابق ذرائع کا کہنا ہے کہ پارلیمنٹ کے مشترکہ اجلاس کے لیے وزارت پارلیمانی امور نے سمری صدر مملکت کو ارسال کر دی ہے۔ مشترکہ اجلاس میں مجموعی طور پر 29 بل منظوری کے لیے پیش کیے جائیں گے، جن میں 18 نجی اور 11 حکومتی بل شامل ہوں گے۔

بلوں کی نوعیت

ذرائع کے مطابق 24 بل وہ ہیں جو صدر کی منظوری کے بغیر واپس کیے گئے تھے اور اب مشترکہ اجلاس میں دوبارہ پیش ہوں گے، جبکہ 5 نئے بل بھی ایجنڈے کا حصہ ہوں گے۔ اجلاس میں صحافیوں کے تحفظ، گھریلو تشدد کی روک تھام اور قومی کمیشن برائے انسانی حقوق میں ترمیم سے متعلق بل منظوری کے لیے پیش کیے جائیں گے۔