فیصل آباد میں پاسکو کے گودام سے 2 ہزار بوری گندم غائب ہوگئی
فیصل آباد میں گندم کی بڑی چوری
لاہور (ڈیلی پاکستان آن لائن) فیصل آباد میں پاکستان ایگریکلچرل اسٹوریج اینڈ سروسز کارپوریشن (پاسکو) کے گودام سے 2 لاکھ کلو گندم غائب ہوگئی۔
یہ بھی پڑھیں: پارٹی میں گورنر سندھ کی تبدیلی کے معاملے پر مشاورت ہو رہی ہے، کچھ دیر میں موقف دیں گے؛امین الحق
ایف آئی اے کی کارروائی
روزنامہ جنگ کے مطابق وفاقی تحقیقاتی ادارے (ایف آئی اے) نے 2 ہزار بوری گندم مٹی میں تبدیل ہونے کے معاملے میں چھاپہ مار کر عملے کے 4 افراد کو حراست میں لے لیا ہے۔ 7 کروڑ روپے مالیت کی گندم خرد برد کی گئی ہے، گودام انچارج سمیت 7 افراد کے خلاف مقدمہ درج کر لیا گیا ہے۔
یہ بھی پڑھیں: بابو سرسیلاب میں لاپتہ ڈاکٹر سعد کے بیٹے کی لاش مل گئی
چھاپے کی تفصیلات
حکام کے مطابق تاندلیانوالہ میں واقع پاسکو کے گودام میں ذخیرہ گندم میں خرد برد کی اطلاع ملی، جس پر سب انسپکٹر اجمل حسین کی سربراہی میں چھاپہ مارا گیا۔
یہ بھی پڑھیں: مجھ سے کوئی غلطی نہیں ہوئی، ہم جواب داخل کریں گے: سہیل آفریدی
غائب گندم کی مقدار
ایف آئی اے ٹیم نے 'پاسکو' کے افسران کے ہمراہ گودام میں انسپکشن کی تو گندم کی 100 کلو گرام کی 2 ہزار بوریوں کی جگہ مٹی ڈال کر بوریاں گودام میں رکھی گئی تھیں۔
یہ بھی پڑھیں: چورنڈ اوورسیز فاؤنڈیشن کی طرف کلین پراجیکٹ کا افتتاح ہوگیا
مزید تحقیقات
حکام کے مطابق چھاپے کے دوران 50 کلو گرام گندم کے 4 ہزار بیگ اور 8 ہزار باردانہ غائب پایا گیا۔ ابتدائی انکوائری کے مطابق 7 کروڑ روپے مالیت کی گندم خرد برد کر کے پرائیویٹ افراد کو فروخت کی گئی۔
یہ بھی پڑھیں: ایران پر امریکہ کا حملہ ٹل گیا ہے، اب حملے کے حالات نہیں رہے، رانا ثنا اللہ
حراست میں لیے گئے افراد
موقع سے ایک اسسٹنٹ پرچیز آفیسر اور 3 چوکیداروں کو حراست میں لے لیا گیا جبکہ گودام کے انچارج اور عملے کے 7 افراد اور پرائیویٹ بروکر کے خلاف مقدمہ درج کر کے مزید تحقیقات شروع کر دی گئی ہیں۔
تحقیقات کا دائرہ
ایف آئی اے کے مطابق زونل ہیڈ پاسکو کے کردار کا تعین تحقیقات کے بعد ہوگا۔
