متنازع ٹوئٹ کیس: کمرۂ عدالت میں وکلاء کی تلخ کلامی، ایمان مزاری اور ہادی علی چٹھہ کی ضمانت منسوخ
اسلام آباد: متنازع ٹوئٹ کیس
اسلام آباد (ڈیلی پاکستان آن لائن) مقامی عدالت نے متنازع ٹوئٹ کیس میں ایمان مزاری اور ان کے شوہر ہادی علی چٹھہ کی ضمانت منسوخ کردی۔
یہ بھی پڑھیں: لاہور میں بسنت کی اجازت، ڈپٹی کمشنر نے باقاعدہ نوٹیفکیشن جاری کر دیا
عدالت میں سماعت
’’جیو نیوز‘‘ کے مطابق اسلام آباد کی ڈسٹریکٹ اینڈ سیشن کورٹ میں ایمان مزاری اور ہادی علی چٹھہ کے خلاف متنازع ٹوئٹس کیس کی سماعت ہوئی۔ اس دوران ہادی علی چٹھہ عدالت میں پیش ہوئے اور انہوں نے کہا کہ ایمان مزاری گواہ شہروز پر خود جرح کرنا چاہتی ہیں۔
یہ بھی پڑھیں: کراچی کے مختلف علاقوں میں تیز ہواؤں کے ساتھ بارش اور ژالہ باری
جرح کا معاملہ
جج افضل مجوکا نے کہا کہ گواہ شہروز پر جرح مکمل کریں ورنہ جرح کا حق ختم کردوں گا۔
یہ بھی پڑھیں: لاہور میں والد کے دوست کی 9 سالہ بچی کے ساتھ زیادتی کی کوشش، ملزم گرفتار
احوال عدالت
اس موقع پر اسلام آباد ڈسٹرکٹ بار ایسوسی ایشن کے نعیم گجر عدالت میں پیش ہوئے اور کہا کہ پیر کی تاریخ دے دیں، اس کے بعد کوئی التواء نہیں مانگا جائے گا۔ ایمان مزاری کی طبیعت خراب ہے اور وہ خود جرح کرنا چاہتی ہیں۔
یہ بھی پڑھیں: کیا تنخواہوں میں اضافہ ہوگا؟ صحافی کے سوال پر اسحاق ڈار نے دوٹوک جواب دیدیا
پراسیکیوشن کی مخالفت
تاہم، پراسیکیوشن کی جانب سے التواء دیئے جانے کی مخالفت کی گئی۔ پراسیکیوٹر رانا عثمان نے کہا کہ عدالت گواہ سے حلف لے اور جرح شروع کرے۔
یہ بھی پڑھیں: قائمہ کمیٹی کے اجلاس میں وفاقی وزیر عبد العلیم خان اور سینیٹر پلوشہ خان میں شدید تلخی کلامی
عدالت میں تلخ کلامی
اس دوران بار کے صدر نعیم گجر اور پراسیکیوٹر رانا عثمان کے درمیان کمرہِ عدالت میں تلخ کلامی بھی ہوئی، جس کے باعث جج افضل مجوکا اٹھ کر چیمبر میں چلے گئے۔
یہ بھی پڑھیں: اس دفعہ ہم کفن باندھ کر فیصلہ کن جنگ کے لیے نکلیں گے: علی امین گنڈا پور
ضمانت کی منسوخی
تاہم، ایمان مزاری اور ہادی علی چٹھہ وقفے کے بعد عدالت میں پیش نہ ہوئے، جس پر عدالت نے دونوں کی ضمانت منسوخ کردی اور گرفتار کرکے پیش کرنے کا حکم دیا۔
سماعت کی ملتوی
عدالت نے ملزمان کا جرح کا حق بھی ختم کر دیا اور سماعت کل تک ملتوی کردی۔
