متنازع ٹوئٹ کیس: کمرۂ عدالت میں وکلاء کی تلخ کلامی، ایمان مزاری اور ہادی علی چٹھہ کی ضمانت منسوخ
اسلام آباد: متنازع ٹوئٹ کیس
اسلام آباد (ڈیلی پاکستان آن لائن) مقامی عدالت نے متنازع ٹوئٹ کیس میں ایمان مزاری اور ان کے شوہر ہادی علی چٹھہ کی ضمانت منسوخ کردی۔
یہ بھی پڑھیں: پاکستان بزنس کونسل دبئی کا کارپوریٹ ٹیکس، ٹرانسفر پرائسنگ اور ای-انوائسنگ پر معلوماتی اجلاس
عدالت میں سماعت
’’جیو نیوز‘‘ کے مطابق اسلام آباد کی ڈسٹریکٹ اینڈ سیشن کورٹ میں ایمان مزاری اور ہادی علی چٹھہ کے خلاف متنازع ٹوئٹس کیس کی سماعت ہوئی۔ اس دوران ہادی علی چٹھہ عدالت میں پیش ہوئے اور انہوں نے کہا کہ ایمان مزاری گواہ شہروز پر خود جرح کرنا چاہتی ہیں۔
یہ بھی پڑھیں: کال سینٹر میں کام کرنے والی 24 سالہ لڑکی پر اسرار طور پر جاں بحق، پولیس کی دوڑیں لگ گئیں
جرح کا معاملہ
جج افضل مجوکا نے کہا کہ گواہ شہروز پر جرح مکمل کریں ورنہ جرح کا حق ختم کردوں گا۔
یہ بھی پڑھیں: پاکستان اور بنگلادیش میں دوطرفہ تعلقات، اقتصادی و تجارتی تعاون کے فروغ پر اتفاق
احوال عدالت
اس موقع پر اسلام آباد ڈسٹرکٹ بار ایسوسی ایشن کے نعیم گجر عدالت میں پیش ہوئے اور کہا کہ پیر کی تاریخ دے دیں، اس کے بعد کوئی التواء نہیں مانگا جائے گا۔ ایمان مزاری کی طبیعت خراب ہے اور وہ خود جرح کرنا چاہتی ہیں۔
یہ بھی پڑھیں: ویڈیو: بیوی اور بیٹی کھودینے والے شخص پر پولیس کا تشدد، کیا اعلیٰ پولیس افسران کے خلاف کارروائی کی جائے گی؟ میڈم CM کا اصل امتحان
پراسیکیوشن کی مخالفت
تاہم، پراسیکیوشن کی جانب سے التواء دیئے جانے کی مخالفت کی گئی۔ پراسیکیوٹر رانا عثمان نے کہا کہ عدالت گواہ سے حلف لے اور جرح شروع کرے۔
یہ بھی پڑھیں: جنگ کے باوجود ایرانی ریال کی قدر میں نمایاں اضافہ، سرمایہ کاروں کی بھرپور دلچسپی
عدالت میں تلخ کلامی
اس دوران بار کے صدر نعیم گجر اور پراسیکیوٹر رانا عثمان کے درمیان کمرہِ عدالت میں تلخ کلامی بھی ہوئی، جس کے باعث جج افضل مجوکا اٹھ کر چیمبر میں چلے گئے۔
یہ بھی پڑھیں: ڈی جی والڈ سٹی لاہور اتھارٹی کامران لاشاری عہدے سے مستعفی
ضمانت کی منسوخی
تاہم، ایمان مزاری اور ہادی علی چٹھہ وقفے کے بعد عدالت میں پیش نہ ہوئے، جس پر عدالت نے دونوں کی ضمانت منسوخ کردی اور گرفتار کرکے پیش کرنے کا حکم دیا۔
سماعت کی ملتوی
عدالت نے ملزمان کا جرح کا حق بھی ختم کر دیا اور سماعت کل تک ملتوی کردی۔
