وزیر اطلاعات عطاء تارڑ کی عشرت فاطمہ کے گھر آمد، نشریات کے شعبے میں شاندار خدمات پر خراجِ تحسین، پی ٹی وی میں خدمات انجام دینے کی پیشکش

عطا اللہ تارڑ کا عشرت فاطمہ کے گھر جانا

اسلام آباد (ڈیلی پاکستان آن لائن) وفاقی وزیر اطلاعات و نشریات عطا اللہ تارڑ لیجنڈ براڈ کاسٹر عشرت فاطمہ کی رہائش گاہ پر گئے۔

یہ بھی پڑھیں: چین ایسے تمام اقدامات کی مخالفت کرتا ہے جو کسی ملک کی خودمختاری، سلامتی اور علاقائی سالمیت کی خلاف ورزی کرتے ہوں: چینی صدر کا ایران، اسرائیل تنازعہ پر پہلا بیان

عشرت فاطمہ کی خدمات کا اعتراف

اس موقع پر اظہار خیال کرتے ہوئے وفاقی وزیر نے عشرت فاطمہ کی نشریات کے شعبے میں 4 دہائیوں سے زائد عرصے پر محیط شاندار خدمات پر انہیں زبردست خراج تحسین پیش کیا۔ وزیر اطلاعات نے عشرت فاطمہ سے پی ٹی وی میں خدمات انجام دینے کی پیشکش کی۔

یہ بھی پڑھیں: وزیراعظم شہباز شریف کا سعودی عرب کا دورہ مکمل، اسلام آباد روانہ

عشرت فاطمہ کی اہمیت

وزیر اطلاعات عطا تارڑ نے کہا کہ عشرت فاطمہ ایک ایسا نام ہے جو پاکستان بھر میں جانا پہچانا ہے۔ وہ اپنے ساتھ پاکستان کی نشریاتی تاریخ کی زندہ میراث کی حامل ہیں۔ قومی نشریاتی ادارے کے ساتھ ان کی وابستگی خاص طور پر نوجوان نسل کی حوصلہ افزائی اور سیکھنے کا ذریعہ بنے گی۔

یہ بھی پڑھیں: مون سون بارشیں اور سیلاب، اقوام متحدہ نے پاکستان کے لیے ہنگامی امداد جاری کردی۔

سوشل میڈیا پر اظہار خیال

وزیر اطلاعات نے "ایکس" پر لکھا کہ "آج مجھے آپا عشرت فاطمہ کے گھر حاضر ہونے کا شرف حاصل ہوا۔ اس موقع پر میں نے ان سے پاکستان ٹیلی ویژن میں نئی نسل کے نیوز کاسٹرز کے تلفظ اور ان کی تربیت میں اپنا کردار ادا کرنے کی گزارش کی، جس پر انہوں نے فراخ دلی سے آمادگی کا اظہار فرمایا۔ میں تہہ دل سے آپا کا مشکور ہوں۔ میں نے ان سے یہ وعدہ بھی کیا ہے کہ پاکستان ٹیلی ویژن اور مجموعی طور پر براڈکاسٹنگ سروسز میں جن سینیئر شخصیات نے اپنی قیمتی خدمات سرانجام دی ہیں، نہ صرف ان کی بھرپور دیکھ بھال کی جائے گی بلکہ ان کے تجربے اور خدمات کی ان شاء اللہ حقیقی قدر بھی کی جائے گی۔ ریڈیو پاکستان چھوڑنا ان کا اپنا فیصلہ تھا جس کو ہم نے قبول کیا اور پی ٹی وی میں ان کو خوش آمدید کہتے ہیں"۔

تعارف

آج مجھے آپا عشرت فاطمہ کے گھر حاضر ہونے کا شرف حاصل ہوا۔ اس موقع پر میں نے ان سے پاکستان ٹیلی ویژن میں نئی نسل کے نیوز کاسٹرز کے تلفظ اور ان کی تربیت میں اپنا کردار ادا کرنے کی گزارش کی، جس پر انہوں نے فراخ دلی سے آمادگی کا اظہار فرمایا۔ میں تہہ دل سے آپا کا مشکور ہوں۔ میں نے ان… pic.twitter.com/daF5a3Pgvk

— Attaullah Tarar (@TararAttaullah) January 15, 2026