پاکستان اور امریکہ کی مشق انسپائرڈ گیمبٹ 2026 کا انعقاد
انسانی مشق 'انسپائرڈ گیمبٹ 2026'
راولپنڈی (ڈیلی پاکستان آن لائن) پاکستان اور امریکہ کی مشق انسپائرڈ گیمبٹ 2026 کا انعقاد کیا گیا ہے، مشق 8 جنوری سے 16 جنوری تک جاری رہے گی۔
یہ بھی پڑھیں: 14 اپریل تک گندم کا نرخ طے نہ ہوئے تو خواتین اور بچوں سمیت احتجاج کیا جائیگا، کسانوں کی حکومت کو وارننگ
حاضرین اور تقریب کی تفصیلات
مسلح افواج کے شعبہ تعلقات عامہ آئی ایس پی آر کے مطابق مشق کے حوالے سے آج نیشنل کاونٹر ٹیررازم سینٹر پبی میں معزز مہمانوں کے لیے تقریب ہوئی، جس میں امریکی ناظم الامور نیٹلی اے بیکر اور سینئر امریکی فوجی شخصیات نے تقریب میں شرکت کی۔
یہ بھی پڑھیں: سکول کے بعد ایمبولینس، محمد شیراز نے گاؤں کے لوگوں کے لیے خدمت کی نئی مثال قائم کر دی
پیشہ ورانہ مہارت اور بریفنگ
آئی ایس پی آر کے مطابق مہمانوں کو مشق کی اہمیت، مقاصد اور انعقاد کے حوالے سے بریف کیا گیا۔ دونوں ملکوں کی افواج کے شرکاء نے اعلیٰ سطح کی پیشہ ورانہ مہارت کا مظاہرہ کیا، معزز مہمانوں نے مشق کے شرکاء کی پیشہ ورانہ مہارت کو سراہا۔
مشق کے مقاصد
آئی ایس پی آر کے مطابق مشق کا مقصد دہشت گردی سے نمٹنے کے تجربات کے ذریعے دو طرفہ فوجی تعاون کو بڑھانا، دہشت گردی سے نمٹنے کی مشقوں اور طریقہ کار کو مزید موثر بنانا اور باہمی ہم آہنگی کی صلاحیت کو فروغ دے کر دو طرفہ فوجی تعاون کو مضبوط کرنا ہے۔
