لاہور میں جوتوں میں پیسے چھپا کر 15 پر ڈکیتی کی جھوٹی اطلاع دینے والا سیلز مین گرفتار

پولیس نے جعلی ڈکیتی کی اطلاع دینے والے ملزم کو گرفتار کر لیا

لاہور (ڈیلی پاکستان آن لائن) شاہدرہ ٹاؤن پولیس نے جوتوں میں پیسے چھپا کر 15 پر ڈکیتی کی جھوٹی اطلاع دینے والے ملزم کو گرفتار کرلیا۔

یہ بھی پڑھیں: ڈونلڈ ٹرمپ نے ٹیرف عائد کرتے وقت اپنے اختیارات سے تجاوز کیا، امریکی عدالت نے ٹیرف اقدامات کو کالعدم قرار دے دیا

ڈکیتی کا جھوٹا ڈرامہ

شہزاد خالد نامی ملزم نے پولیس کو 15 پر فون کرکے بتایا تھا کہ دو ڈاکو موٹر سائیکل پر آئے اور گن پوائنٹ پر 1 لاکھ 50 ہزار کی رقم چھین کر فرار ہوگئے۔

یہ بھی پڑھیں: راولپنڈی میں پولیس اہلکار مسافروں کو ایئرپورٹ جانے والے راستوں پر لوٹنے لگے، بڑا انکشاف

پولیس کی فوری کارروائی

ایس پی سٹی کی ہدایت پر شاہدرہ ٹاؤن پولیس نے کال پر فوری ریسپانس دیا، وقوعہ کی تصدیق نہ ہونے پر کیمروں کو چیک کیا گیا۔ دوران تفتیش ملزم زیادہ دیر تک پولیس کو چکما نہ دے سکا۔ نجی کمپنی کا سیلز مین ملزم اپنے مالک کے پیسوں کو خورد برد کرنا چاہتا تھا اس لیے ڈکیتی کا ڈرامہ رچایا۔

یہ بھی پڑھیں: مار خور عظیم الشان جانور اور پاکستان کے بھرپور قدرتی ورثے کی علامت ہے: وزیر اعلیٰ کا عالمی دن پر پیغام

ملزم کی حقیقت فاش

پولیس کی پوچھ گچھ نے ملزم شہزاد کے جھوٹ کا بھانڈا پھوڑ دیا، ملزم کے قبضہ سے خورد برد کی ہوئی رقم برآمد کرلی گئی۔

ایس پی سٹی کا بیان

ایس پی سٹی بلال احمد کے مطابق ملزم نے پیسوں کو اپنے جرابوں میں چھپا لیا تھا، شاہدرہ ٹاؤن پولیس نے ملزم کو گرفتار کر کے مقدمہ درج کر لیا۔