شدید دھند کے باعث موٹرویز کے مختلف حصوں کو ٹریفک کے لیے بند کر دیا گیا

شدید دھند کی وجہ سے موٹرویز بند

لاہور (ڈیلی پاکستان آن لائن) - ملک کے مختلف حصوں میں شدید دھند کے باعث اہم موٹرویز کو ٹریفک کے لیے بند کر دیا گیا ہے، جس سے مسافروں کو شدید مشکلات کا سامنا ہے۔ موٹروے پولیس کے مطابق حدِ نگاہ خطرناک حد تک کم ہونے کے باعث یہ فیصلہ حفاظتی اقدامات کے تحت کیا گیا ہے۔

یہ بھی پڑھیں: اخوت کی نئی مثال، جماعت اسلامی کے اجتماعِ عام میں 25 اسلامی ممالک کی خواتین رہنماؤں کی شرکت

بند موٹرویز کی تفصیلات

موٹروے ایم ون (M) پشاور سے رشکئی تک شدید دھند کے باعث بند کردی گئی ہے۔ اسی طرح موٹروے ایم ٹو (M-2) ٹھوکرنیاز بیگ سے چکری انٹرچینج تک ٹریفک کے لیے بند ہے۔ موٹروے ایم تھری (M-3) فیض پور سے جڑانوالہ تک بند کردی گئی ہے جبکہ موٹروے ایم فور (M-4) پنڈی بھٹیاں سے فیصل آباد تک شدید دھند کی لپیٹ میں ہے اور وہاں بھی ٹریفک معطل ہے۔