وزیر داخلہ سے امریکی وفد کی ملاقات، دوطرفہ تعاون مضبوط بنانے کیلیے کوآرڈینیشن بہتر بنانے کا فیصلہ

ملاقات کا پس منظر

اسلام آباد (ڈیلی پاکستان آن لائن) وفاقی وزیر برائے داخلہ و نارکاٹکس کنٹرول محسن نقوی سے امریکی سفیر نیٹلی بیکر کی سربراہی میں اعلیٰ سطح کے وفد نے ملاقات کی۔ اس موقع پر پاک، امریکہ تعلقات اور مشترکہ مفادات کے شعبوں میں تعاون بڑھانے کے حوالے سے تفصیلی تبادلۂ خیال کیا گیا۔

یہ بھی پڑھیں: الیکشن میں 50فیصد سے زائد ووٹ لینے والے امیدواروں کو کامیاب قرار دینے کی درخواست خارج ،درخواستگزار کو 20ہزار جرمانہ

مستقبل کے لیے تعاون کی بنیاد

تفصیلات کے مطابق وزیر داخلہ محسن نقوی نے وفد سے ملاقات میں کہا کہ مستقبل میں ہر سطح پر پاک، امریکہ تعاون کو مستحکم کرنے اور کوآرڈینیشن میں بہتری لانے کی کوشش کی جائے گی۔ بیرون ملک جرائم میں ملوث افراد کی نشاندہی جدید سافٹ ویئر کے ذریعے کی جائے گی۔ امریکی اداروں اینٹی ٹیررسٹ اسسٹنٹس پروگرام اور بیورو آف انٹرنیشنل نارکاٹکس اینڈ لا انفورسمنٹ کے ساتھ جاری تعاون کو مزید وسعت دی جائے گی۔

یہ بھی پڑھیں: بابر بی بی ایل کی تاریخ کے مہنگے ترین کھلاڑیوں میں شامل، معاہدے کی تفصیلات سامنے آئیں

دوطرفہ سیکیورٹی تعاون

وزارت داخلہ کے مطابق ملاقات کے دوران دوطرفہ سیکیورٹی تعاون و بارڈر مینجمنٹ کے ضمن میں اشتراک میں اضافے پر بھی بات چیت ہوئی۔ امریکی اداروں کے ساتھ جاری تعاون مضبوط بنانے پر بھی اتفاق ہوا۔ مستقبل میں ہر سطح پر پاک، امریکہ تعاون مضبوط بنانے کے لیے کوآرڈینیشن بہتر بنانے کا فیصلہ کیا گیا۔

یہ بھی پڑھیں: پٹرولیم مصنوعات کی قیمتوں میں اضافے کی منظوری، آج نوٹیفکیشن جاری ہونے کا امکان

جدید سافٹ ویئر کی اہمیت

وفاقی وزیر داخلہ نے کہا کہ بیرون ملک جرائم میں ملوث افراد کی نشاندہی کے لیے جدید سافٹ ویئر کی ضرورت ہے۔ اس ملاقات میں ایف آئی اے، فیڈرل کانسٹیبلری اور سائبر کرائم ایجنسی کے افسران کے لئے ٹریننگ پروگرامز کے علاوہ امریکہ کے تعاون سے ایف آئی اے میں سنٹر فار ٹرانسفارمیشن کرائم اور اکیڈمی کے قیام پر بھی بات چیت کی گئی۔ بارڈر سیکیورٹی، کوسٹل گارڈز اور دیگر اداروں کو جدید امریکی آلات سے لیس کرنے پر بھی زور دیا گیا۔

یہ بھی پڑھیں: مراد سعید وزیراعلیٰ ہاؤس پشاور میں روپوش ہیں، چھاپہ مارنا اچھا نہیں لگتا ، عطا تارڑ کا دعویٰ

سیکیورٹی تعاون کی تعریف

انہوں نے کہا کہ مالیاتی فراڈ اور دہشت گردی کی فنڈنگ کی روک تھام کے لئے جدید سافٹ ویئر کی ضرورت ہے، اور اس ضمن میں امریکہ کا این سی سی آئی اے کے ساتھ اشتراک کار انتہائی ضروری ہے۔ امریکی وفد نے سیکیورٹی تعاون اور دوطرفہ روابط بڑھانے کے لیے پاکستان کی کوششوں کی تعریف کی۔ قائم مقام امریکی سفیر نے وزارت داخلہ اور امریکی اداروں کے درمیان جاری تعاون کو سراہا اور کہا کہ پاکستان کے ساتھ دوطرفہ اشتراک بڑھانے کے لیے اقدامات جاری رکھیں گے۔

اہم شرکاء

اس موقع پر وزیر مملکت برائے داخلہ طلال چوہدری، وفاقی سیکرٹری داخلہ، ڈی جی ایف آئی اے، کمانڈنٹ فیڈرل کانسٹیبلری، ایڈیشنل سیکرٹری داخلہ، ڈی جی نیشنل سائبر کرائمز انویسٹی گیشن ایجنسی، ڈی جی پاسپورٹ اینڈ امیگریشن، آئی جی اسلام آباد پولیس اور دیگر اعلیٰ حکام موجود تھے۔